Duisende vierpote vind veilige hawe by DBV

06 January 2020 | Omgewing
Die Dierebeskermingsvereniging (DBV) van Namibië het verlede jaar ’n hawe aan altesaam 3 685 diere gebied, van honde en katte tot ystervarke en vlermuise.

Gemiddeld het 10 diere per dag ’n tuiste by the DBV gevind.

Bykans 40%, of 1 445, was diere wat die DBV se inspekteurs op straat ontdek het of op beslag gelê het, sê die DBV in hul jaaroorsig.

November moes vir ’n rekordgetal van 398 diere plek gemaak word. Hulle hoop van harte dit was eenmalig en dat dié neiging nie sal voortduur nie, sê die DBV.

In hul sorg is 554 diere gesteriliseer en is 3 009 inentings toegedien.

Goeie nuus is dat 22% méér diere verlede jaar as in 2018 aangeneem is, sê die vereniging.

Hoewel honde en katte die DBV se vernaamste inwoners is, het 142 ander spesies ook verlede hier ’n heenkome gevind. Dit sluit in donkies, perde, beeste, valke, uile, arende, dassies, meerkatte, skilpaaie, ystervarke en vlermuise.

Die DBV werk met ’n pleegsorgnetwerk vir die groot diere. Wilde diere word in samewerking met redding- en rehabilitasiesentrums, asook die ministerie van die omgewing en toerisme versorg.

Inisiatiewe

Die Dixie’s Fund is gestig ná ’n babahondjie seergekry het en geopereer moes word. Dié fonds is uitsluitlik vir DBV-diere se buitengewone mediese en veeartskostes.

Die vereniging se program vir vrywilligers het uitgebrei. Meer as 1 170 kinders is binne ses maande onder die vaandel van die humanitêre onderrigprogram deur skoolbesoeke en kuiertjies by die DBV bereik.

Ander inisiatiewe sluit in Quiz Night, Animals by Night, die zumbathon, kalenderkompetisie, ope dae en die Clear the Shelter-aannemingsveldtog.

Suksesverhale

Rusho is een van die DBV se vele suksesverhale in 2019.

Dié hond was uiters verwaarloos en was ’n “wandelende geraamte” toe hy by die DBV beland het. Hy het bosluiskoors en diarree gehad.

Die DBV se veearts het hom behandel en Rusho het stadig gewig opgetel. Deesdae is hy blakend gesond en het hy ’n nuwe tuiste by sy aanneemouers.

Troeteldiere soos Rusho herstel nie net liggaamlik nie, maar kry met die hulp van die DBV ook hul vertroue in mense terug.

Elkeen wat ’n dier aanneem, vrywillig by die DBV betrokke is, skenkings maak en/of ’n lid van die vereniging is, blaas lewe in dié organisasie in, sê die DBV.

“Hulle is die polsslag van die DBV. Hulle red lewens deur hul optrede en is almal helde in die oë van die diere,” sê die vereniging.

Soortgelyk

 

Khomas se Vries bevorder

2 ure gelede | Onderwys

Mnr. Gerard Vries, voorheen direkteur van onderwys in die Khomasstreek, is met ingang 1 September as die nuwe adjunk uitvoerende direkteur vir lewenslange onderrig in...

Geweldenaars op vrye voet

14 ure gelede | Misdaad

Denver Kisting – Teen gistermiddag was die man steeds op vrye voet wat glo Saterdagoggend by 'n huis in Havana ingebreek en 'n vrou ten...

Swaar straf wag op Covid-oortreders

14 ure gelede | Regering

Denver Kisting – Dr. Kalumbi Shangula, die mi­nister van gesondheid en maatskaplike dienste, sê geskoei op Namibiërs se gedrag vandat die noodtoestand ten einde geloop...

Weer, Maandag 21 September 2020

14 ure gelede | Weer

BINNELAND: Gedeeltelik bewolk en baie warm in die noordoostelike streke met 'n paar buie in die Zambezi. Elders sonnig en baie warm tot bloedig warm.KUS:...

Toeriste uit Europa land

14 ure gelede | Vervoer

Augetto GraigEurowings se vlug LH5434 het gisteroggend net voor sonop vanuit Frankfurt by die Internasionale Lughawe Hosea Kutako geland. Die Airbus A330-300 met 280 sitplekke...

Itula: 'Outokratiese' aantygings pla nie

14 ure gelede | Politiek

Jemima Beukes – Die leier van die Independent Patriots for Change (IPC), dr. Panduleni Itula, sê kritici en beswaarde lede wat hom as 'n “huigelaar”...

NSFAF subsidieer skootrekenaars, datatoestelle

14 ure gelede | Onderwys

Augetto Graig – Namibiese studente sal binnekort gesubsidieerde skootrekenaars en goedkoop data kan koop om aanlyn afstandsonderrig te vergemaklik. Die Finansiële Hulpfonds vir Namibiese Studente...

Gertze skotvry ná skietvoorval

14 ure gelede | Howe

Ogone Tlhage – Die klag van poging tot moord teen die uitvoerende direkteur van die Namibiese Kwalifikasieowerheid (NQA), mnr. Franz Gertze, is Donderdag in die...

WEN AFSLAG OP 'N VAKANSIE

14 ure gelede | Gebeure

In aanloop tot die ­Namibië ­Toerisme Ekspo gee ­Republikein elke dag tot 6 November een afslag-reisbewys ter waarde van N$1 000 weg.SMS die sleutelwoord “NTE2020”...