Dubbele moordenaar kry vyfde prokureur

Jaloesie speel moontlike rol

08 August 2019 | Howe
font face="Verdana">

Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde regsverteenwoordiger gekry.

Hoërhofregter Christie Liebenberg het Lukas Nikodemus (49) skuldig bevind aan moord met voorbedagte rade op mee. Johanie Naruses (29) en Clemensia de Wee (23).

Nikodemus is ook skuldig bevind aan dwarsboming van die gereg toe hy die slagoffers se liggame by ’n stortingsterrein wes van die westelike verbypad tussen 6 en 7 Januarie 2016 verbrand het om die moorde te probeer verdoesel.

Die halfverbrande liggame is op 7 Januarie 2016 deur sekureitswagte ontdek.

Die moordenaar is onskuldig bevind op die klag dat hy nie sy vuurwapen in ’n kluis bewaar het nie.

Die regter het bevind die vuurwapen was steeds onder Nikodemus se direkte toesig onder sy matras in sy huis.

Enkele minute ná Nikodemus Dinsdag skuldig bevind is, het sy vierde regsverteenwoordiger, mnr. Vernon Lutibezi, hom aan die saak onttrek.

Dít glo omdat die twee nie kan ooreenkom op hoe die saak verder hanteer moet word nie.

Gister is Nikodemus se vyfde regsverteenwoordiger, mnr. Kalundu Kamwi, deur die ministerie van justisie se regshulpdirektoraat aangestel.

Die regter het gesê volgens bewyse wat die staat aan die hof voorgelê het, was Nikodemus se voertuig wel op die misdaadtoneel.

Skoenspore, sleepmerke en ’n simkaart het die skuldige op die moordtoneel geplaas.

BLOEDVLEKKE, KOEëLPUNT

Liebenberg het aangevoer DNS van die bloedvlekke wat in die voertuig gevind is, behoort aan die twee slagoffers.

Boonop word die koeëlpunt wat op die agtersitplek van Nikodemus se voertuig gevind is direk met sy pistool verbind, wat die polisie op 7 Januarie 2016 onder sy matras by sy huis in Katutura gevind het.

Die regter het bevind Nikodemus het albei vroue in sy voertuig in die bors geskiet.

Die hof het getuienis aanvaar dat Nikodemus op die aand van 6 Janaurie 2016 saam met die twee vroue by ’n kroeg gekuier het, dat ’n argument uitgebreek het en dat De Wee ’n bierbottel op die vloer stukkend gegooi het, waarná hulle die kroeg saam verlaat het.

Nikodemus was tydens die moorde in ’n verhouding met albei vroue, asook met ander vroue.

“Jaloesie het ’n rol in die liefdesdriehoek gespeel en kon die motief wees,” het Liebenberg gesê.

“Dit is geloofwaardige en betroubare bewyse wat aandui Nikodemus was inderdaad vir die twee vroue se dood verantwoordelik,” het die regter gesê.

Die hof het Nikodemus se weergawe as vals verwerp dat iemand anders (’n sekere “Bennie”) vir die twee vroue se dood verantwoordelik is.

“Daar is geen logiese verduideliking van die beskuldigde oor hoe dit moontlik is dat iemand anders die skote uit sy vuurwapen kon afvuur as dit te alle tye in sy besit was nie,” het die regter gesê.

Nikodemus het ontken hy het die dubbele moord gepleeg.

Hy is sedert sy inhegtenisneming in Januarie 2016 in die Windhoekse Sentrale Gevangenis in aanhouding.

Adv. Cliff Lutibezi verskyn vir die staat.

Soortgelyk

 

Geen brandstof-tekort in Namibië verwag

28th of May 09:20 | Energie

Ronelle Rademeyer - Anders as in Suid-Afrika waar ’n tekort aan diesel tans beleef word, is Namibië se brandstofvoorraadvlakke nie onder druk nie.So sê mnr....

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...