Duane, Lood kampeer saam in die Bos
Rugby
Stephen Nell - Duane Vermeulen is ná sy afwesigheid in die Rugbykampioenskap terug by die Springbokke voor hul jaareindtoer na Europa.
Die 32-jarige losvoorspeler-yster het in Junie se reeksoorwinning oor Engeland gespeel voordat hy hom by die Kubota Spears in Japan aangesluit het. Hy gaan tot met 2019 se Wêreldbeker-toernooi nou 'n groot rol vir die Bokke speel en waarskynlik vir die Bulle in die Superreeks opdraf.
Vermeulen is die enigste speler van 'n oorsese klub wat hierdie week saam met die Bokke in Stellenbosch voorberei.
Vandeesweek se oefengroep sluit nie ongekontrakteerde Springbokke van die Westelike Provinsie of Haaie in nie, omdat hulle in die Curriebeker-eindstryd gaan speel. 'n Toergroep word Saterdag ná die eindstryd aangekondig.
Die Bulle-slot Lood de Jager oefen ook saam nadat hy lank buite aksie was met 'n besering.
“Dis goed om 'n speler van Lood se kaliber terug te verwelkom. Hy sal vir mededinging sorg in 'n posisie waar ons reeds baie diepte het.
“Duane bring soortgelyke ervaring na die groep,” het Rassie Erasmus, die Bokke se afrigter, gister in 'n nuusverklaring gesê.
Erasmus het bevestig dat die Bokke se mees ervare speler – die loskopstut Tendai Mtawarira wat 107 toetse op sy kerfstok het – weens 'n besering nie oorweeg kon word nie.
Hy verwag 'n “taai toer” van Engeland, Frankryk, Skotland en Wallis.
“Ons het min tyd om voor te berei, maar het vir onsself doelwitte gestel. Ons wil hê die groep moet sy groei voortsit en wil graag ons diepte uitbou met 2019 se Wêreldbeker-toernooi wat oor minder as 'n jaar afskop,” het Erasmus gesê.
* Vandeesweek se oefengroep is:
Voorspelers: Schalk Brits, Lood de Jager, Pieter-Steph du Toit, Eben Etzebeth, Steven Kitshoff, Siya Kolisi, Frans Malherbe, Malcolm Marx, Franco Mostert, Trevor Nyakane, RG Snyman, Duane Vermeulen, Warren Whiteley.
Agterspelers: Damian de Allende, Aphiwe Dyantyi, André Esterhuizen, Elton Jantjies, Jesse Kriel, Embrose Papier, Handré Pollard, Ivan van Zyl.
• Die Bokke se toerprogram:
3 Nov: tn Engeland (Londen);
10 Nov: tn Frankryk (Parys);
17 Nov: tn Skotland (Edinburg);
24 Nov: tn Wallis (Cardiff).
– Netwerk24
Die 32-jarige losvoorspeler-yster het in Junie se reeksoorwinning oor Engeland gespeel voordat hy hom by die Kubota Spears in Japan aangesluit het. Hy gaan tot met 2019 se Wêreldbeker-toernooi nou 'n groot rol vir die Bokke speel en waarskynlik vir die Bulle in die Superreeks opdraf.
Vermeulen is die enigste speler van 'n oorsese klub wat hierdie week saam met die Bokke in Stellenbosch voorberei.
Vandeesweek se oefengroep sluit nie ongekontrakteerde Springbokke van die Westelike Provinsie of Haaie in nie, omdat hulle in die Curriebeker-eindstryd gaan speel. 'n Toergroep word Saterdag ná die eindstryd aangekondig.
Die Bulle-slot Lood de Jager oefen ook saam nadat hy lank buite aksie was met 'n besering.
“Dis goed om 'n speler van Lood se kaliber terug te verwelkom. Hy sal vir mededinging sorg in 'n posisie waar ons reeds baie diepte het.
“Duane bring soortgelyke ervaring na die groep,” het Rassie Erasmus, die Bokke se afrigter, gister in 'n nuusverklaring gesê.
Erasmus het bevestig dat die Bokke se mees ervare speler – die loskopstut Tendai Mtawarira wat 107 toetse op sy kerfstok het – weens 'n besering nie oorweeg kon word nie.
Hy verwag 'n “taai toer” van Engeland, Frankryk, Skotland en Wallis.
“Ons het min tyd om voor te berei, maar het vir onsself doelwitte gestel. Ons wil hê die groep moet sy groei voortsit en wil graag ons diepte uitbou met 2019 se Wêreldbeker-toernooi wat oor minder as 'n jaar afskop,” het Erasmus gesê.
* Vandeesweek se oefengroep is:
Voorspelers: Schalk Brits, Lood de Jager, Pieter-Steph du Toit, Eben Etzebeth, Steven Kitshoff, Siya Kolisi, Frans Malherbe, Malcolm Marx, Franco Mostert, Trevor Nyakane, RG Snyman, Duane Vermeulen, Warren Whiteley.
Agterspelers: Damian de Allende, Aphiwe Dyantyi, André Esterhuizen, Elton Jantjies, Jesse Kriel, Embrose Papier, Handré Pollard, Ivan van Zyl.
• Die Bokke se toerprogram:
3 Nov: tn Engeland (Londen);
10 Nov: tn Frankryk (Parys);
17 Nov: tn Skotland (Edinburg);
24 Nov: tn Wallis (Cardiff).
– Netwerk24
Kommentaar
Republikein
Geen kommentaar is op hierdie artikel gelaat nie