DTA roskam Geingob oor toespraak
Die DTA van Namibië het nie doekies omgedraai toe hulle pres. Hage Geingob oor sy uitlatings oor onder meer die ekomie en die SME Bank voor stok gekry het nie.
Estelle de Bruyn - Dit sal ‘n verbeeldingsvlug van baie, indien nie alle Namibiërs nie, verg om met pres. Hage Geingob se oorsig oor die Namibiese ekonomie saam te stem.
So sê die tesourier-generaal van die DTA, mnr. Nico Smit, in reaksie op Maandag se nuuskonferensie by Staatshuis.
Smit haal die president se ekonomiese raadgewer, dr. John Steytler, aan wat twee weke gelede aan ‘n plaaslike dagblad oor die ekonomie gesê het “’n hartaanval is voorkom, maar die pasiënt is nog nie uit die hospitaal uit nie”.
Hy wys daarop dat die ekonomie oorweldigend deur regeringsbesteding aangedryf word en met die regering in ‘n likwiditeitskrisis, het dit ‘n betekenisvolle invloed op die ekonomie in sy geheel.
Ekonomiese vooruitsigte
“Heelwat van die president se optimisme wat ekonomiese vooruitsigte betref, is bloot op hoop geskoei,” sê Smit.
Oor Geingob se verwysing na die goeie reën die afgelope seisoen en herstel in die landbousektor, sê Smit dit beantwoord nie die vraag van wat sou gebeur indien swak reën weer in die komende seisoen Namibië se voorland is nie.
Hy vind ook geen troos in verwysings na herstel in die Suid-Afrikaanse en Angolese ekonomieë nie.
Vooruitsigte vir Suid-Afrika bly volgens Smit huiwerig en daar is geen konkrete tekens van herstel in Angola se ekonomie nie.
Hy meen ook dat ‘n lening van die Afrika-ontwikkelingsbank om die regering se likwiditeitskrisis te verlig, nie volhoubaar is nie.
“Dit is omdat lenings om skuld af te betaal nie ’n lewensvatbare langtermynoplossing is nie.”
Motorverkope
Smit vind dit ironies dat die staatshoof na fopnuus in sy toespraak verwys, maar dat sy verwysings na motorverkope en die registrasie van bouplanne nie met beskikbare statistiek klop nie.
“IJG Securities het in Junie berig dat motorverkope in Junie vanjaar 24 persent laer as in die ooreenstemmende tyd verlede jaar was. Terwyl dit waar is dat meer bouplanne in Junie 2017 goedgekeur is as in Junie 2016, was die meerderheid daarvan vir aanbouings aan bestaande eiendomme met ‘n relatiewe lae waarde,” sê Smit.
Hy sê die konstruksiesektor was ‘n groot stukrag vir ekonomiese groei. Met die regering wat egter sy kapitale projekte tot op die been gesny het, is hierdie sektor die swaarste getref.
SME Bank
Smit vind dit ook skokkend dat Geingob nie die voorsitters van die SME Bank, die minister van presidensiële aangeleenthede, mnr. Frans Kapofi, en die kabinetsekretaris, mnr. George Simataa, verantwoordelik hou vir die wanbestuur van die staatsinstansie en staatsbronne nie, aangesien albei trusteeverpligtinge ten op sigte van die bank gehad het.
“Dit is lagwekkend dat die president dit as die verantwoordelik van die Bank of Namibia ag om met die pligte en verantwoordelikhede van die bestuur en direksie van die SME Bank voort te gaan, soos die wet voorskryf. ‘n Mens moet bevraagteken of pres. Geingob bekend is met die inhoud van die wet op maatskappye. Hierdie is niks minder as ‘n oefening om die polities-verbonde te beskerm nie,” het Smit gesê.
Hy vind dit ook onvanpas vir die president om hom oor die SME Bank-sage uit te laat, veral nadat die speaker onlangs in die Nasionale Vergadering, toe die DTA se president ‘n mosie oor die bank ter tafel wou lê, aangevoer het dat die saak onder verhoor is.
“Indien die parlement, die hoogste wetgewende liggaam in die land, verbied word om die kwessie te debatteer omdat dit voor die howe dien, word dit eweneens van die president verwag om selfbeheersing aan die dag te lê, ondanks die feit dat sy politieke luitenante in die kollig is.
“Dit is ook ironies dat die president voortgaan om op die belangrikheid te wys van die reg wat sy gang moet gaan, maar dit gepas vind om in die proses in te meng en die uitkoms voor te skryf,” het Smit bygevoeg.
Smit het ook sy teleurstelling uitgespreek met die antwoorde wat Geingob op vrae verstrek het, en sê sy boodskap was bloot ‘n herhaling van vorige verklarings en sonder werklike waarde.
So sê die tesourier-generaal van die DTA, mnr. Nico Smit, in reaksie op Maandag se nuuskonferensie by Staatshuis.
Smit haal die president se ekonomiese raadgewer, dr. John Steytler, aan wat twee weke gelede aan ‘n plaaslike dagblad oor die ekonomie gesê het “’n hartaanval is voorkom, maar die pasiënt is nog nie uit die hospitaal uit nie”.
Hy wys daarop dat die ekonomie oorweldigend deur regeringsbesteding aangedryf word en met die regering in ‘n likwiditeitskrisis, het dit ‘n betekenisvolle invloed op die ekonomie in sy geheel.
Ekonomiese vooruitsigte
“Heelwat van die president se optimisme wat ekonomiese vooruitsigte betref, is bloot op hoop geskoei,” sê Smit.
Oor Geingob se verwysing na die goeie reën die afgelope seisoen en herstel in die landbousektor, sê Smit dit beantwoord nie die vraag van wat sou gebeur indien swak reën weer in die komende seisoen Namibië se voorland is nie.
Hy vind ook geen troos in verwysings na herstel in die Suid-Afrikaanse en Angolese ekonomieë nie.
Vooruitsigte vir Suid-Afrika bly volgens Smit huiwerig en daar is geen konkrete tekens van herstel in Angola se ekonomie nie.
Hy meen ook dat ‘n lening van die Afrika-ontwikkelingsbank om die regering se likwiditeitskrisis te verlig, nie volhoubaar is nie.
“Dit is omdat lenings om skuld af te betaal nie ’n lewensvatbare langtermynoplossing is nie.”
Motorverkope
Smit vind dit ironies dat die staatshoof na fopnuus in sy toespraak verwys, maar dat sy verwysings na motorverkope en die registrasie van bouplanne nie met beskikbare statistiek klop nie.
“IJG Securities het in Junie berig dat motorverkope in Junie vanjaar 24 persent laer as in die ooreenstemmende tyd verlede jaar was. Terwyl dit waar is dat meer bouplanne in Junie 2017 goedgekeur is as in Junie 2016, was die meerderheid daarvan vir aanbouings aan bestaande eiendomme met ‘n relatiewe lae waarde,” sê Smit.
Hy sê die konstruksiesektor was ‘n groot stukrag vir ekonomiese groei. Met die regering wat egter sy kapitale projekte tot op die been gesny het, is hierdie sektor die swaarste getref.
SME Bank
Smit vind dit ook skokkend dat Geingob nie die voorsitters van die SME Bank, die minister van presidensiële aangeleenthede, mnr. Frans Kapofi, en die kabinetsekretaris, mnr. George Simataa, verantwoordelik hou vir die wanbestuur van die staatsinstansie en staatsbronne nie, aangesien albei trusteeverpligtinge ten op sigte van die bank gehad het.
“Dit is lagwekkend dat die president dit as die verantwoordelik van die Bank of Namibia ag om met die pligte en verantwoordelikhede van die bestuur en direksie van die SME Bank voort te gaan, soos die wet voorskryf. ‘n Mens moet bevraagteken of pres. Geingob bekend is met die inhoud van die wet op maatskappye. Hierdie is niks minder as ‘n oefening om die polities-verbonde te beskerm nie,” het Smit gesê.
Hy vind dit ook onvanpas vir die president om hom oor die SME Bank-sage uit te laat, veral nadat die speaker onlangs in die Nasionale Vergadering, toe die DTA se president ‘n mosie oor die bank ter tafel wou lê, aangevoer het dat die saak onder verhoor is.
“Indien die parlement, die hoogste wetgewende liggaam in die land, verbied word om die kwessie te debatteer omdat dit voor die howe dien, word dit eweneens van die president verwag om selfbeheersing aan die dag te lê, ondanks die feit dat sy politieke luitenante in die kollig is.
“Dit is ook ironies dat die president voortgaan om op die belangrikheid te wys van die reg wat sy gang moet gaan, maar dit gepas vind om in die proses in te meng en die uitkoms voor te skryf,” het Smit bygevoeg.
Smit het ook sy teleurstelling uitgespreek met die antwoorde wat Geingob op vrae verstrek het, en sê sy boodskap was bloot ‘n herhaling van vorige verklarings en sonder werklike waarde.
Kommentaar
Republikein
Geen kommentaar is op hierdie artikel gelaat nie