DStv erken belang van Namibiese TV-inhoud

MultiChoice Namibia is bereid om N$4 miljoen per jaar by te dra tot die bevordering van Namibiese inhoud op die groep se betaal-TV kanaleDie aanbod is gemaak toe die voorgenome uitsaaikode vir Namibië vanmiddag vir die derde keer die afgelope jare bespreek is.Hierdie openbare verhoor is deur Cran, die kommunikasiewaghond byeengeroep.Kwotas vir plaaslike inhoud is in die nuwe weergawe van die kode verlaag. Sport was dusver nie erken as plaaslike inhoud nie, maar die oorsig sal reggestel word.Perke op die hoeveelheid advertensies is vir nou uit die kode verwyder.Mnr. Festus Mbandeka van Cran het gesê deursigtigheid en verantwoording is van groot belang omdat uitsaai-inhoud 'n saak van openbare belang is.Unesco en die Redakteursforum van Namibië (EFN) het opnuut eerder 'n kombinasie van selfregulering en staatstoesig bepleit.Volgens 'n regskenner van MultiChoice uit Suid-Afrika is die kode in sy huidige vorm nie lewensvatbaar nie, uiters onprakties, dit verstaan nie kykers se vryheid van keuse nie en sal DStv geldelik ernstig benadeel. Die kode verwag van dié vastelandwye TV-reus om 15% van geld beskikbaar vir die aankoop van inhoud in Namibiese inhoud te belê.Plaaslike inhoudkwotas is as volg gewysig: 45% vir die NBC, 50% vir kommersiële radio en TV en 60% vir gemeenskapsuitsaaiers.One Africa TV het betwis hoekom die staatsgefinansierde uitsaaier aan 'n laer kwota moet voldoen. Hulle het ook die peperduur koste van plaaslike produksie - sonder subsidies - benadruk.Mbandeka het verseker dat alle nuwe insette en besware opnuut oorweeg sal word.

DStv erken belang van Namibiese TV-inhoud

Kommentaar

Republikein 2026-05-05

Meld asseblief aan om kommentaar te lewer

DStv erken belang van Namibiese TV-inhoud

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.