Dís wat iPhone X jou gaan kos
Hanlie Stadler - As jy die Apple iPhone X kontant wil koop, pleks van met ’n tweejaarkontrak, sal jy minstens R20 499 moet opdok.
Dis die prys van die iPhone X met 64 GB geheue.
Die model met 256 GB geheue sal R23 499 kos.
Voorafbestellings vir die iPhone X het Vrydag op die iStore geopen, wat beteken die prys is nou vir die eerste keer bekend gemaak. Die prys is in pas met die verwagtinge in die mark.
Die foon sal van 24 November af by die iStore te koop wees.
Die iPhone X is die eerste foon ter wêreld wat spog met gesigherkenningstegnologie.
Die prys van die iPhone 8 is vroeër bekend gemaak. Die goedkoopste iPhone 8, met ’n geheue van 64 GB, sal jou sak met R13 499 ruk, terwyl die duurste een, met 256 GB, jou R16 499 gaan kos.
Die iPhone 8 Plus wissel van R15 499 vir 64 GB tot R18 499 vir 256 GB.
Daarteenoor sal Samsung se vlagskipfoon, die Note 8, jou R18 499 uit die sak jaag.
Die duurste foon in die land is egter die Huawei Porsche Design Mate Pro, wat jou R27 000 sal kos. – Netwerk24
Dis die prys van die iPhone X met 64 GB geheue.
Die model met 256 GB geheue sal R23 499 kos.
Voorafbestellings vir die iPhone X het Vrydag op die iStore geopen, wat beteken die prys is nou vir die eerste keer bekend gemaak. Die prys is in pas met die verwagtinge in die mark.
Die foon sal van 24 November af by die iStore te koop wees.
Die iPhone X is die eerste foon ter wêreld wat spog met gesigherkenningstegnologie.
Die prys van die iPhone 8 is vroeër bekend gemaak. Die goedkoopste iPhone 8, met ’n geheue van 64 GB, sal jou sak met R13 499 ruk, terwyl die duurste een, met 256 GB, jou R16 499 gaan kos.
Die iPhone 8 Plus wissel van R15 499 vir 64 GB tot R18 499 vir 256 GB.
Daarteenoor sal Samsung se vlagskipfoon, die Note 8, jou R18 499 uit die sak jaag.
Die duurste foon in die land is egter die Huawei Porsche Design Mate Pro, wat jou R27 000 sal kos. – Netwerk24
Kommentaar
Republikein
Geen kommentaar is op hierdie artikel gelaat nie