Druk SADC-verkeer verwag
Besoekende SADC-presidente vereis bykomende polisieteenwoordigheid op die hoofstad se paaie.
Augetto Graig
Die Namibiese polisie (Nampol) moes hul teenwoordigheid in voorbereiding op die aankoms van die Suider-Afrikaanse Ontwikkelingsgemeenskap (SADC) se staatshoofde in die hoofstad versterk.
Die 38ste SADC-beraad vind tans in Windhoek plaas.
Volgens hoofinsp. Kauna Shikwambi, woordvoerder vir Nampol, kan Windhoek se inwoners – veral motoriste – verhoogde polisieteenwoordigheid op die hoofstad se paaie verwag.
Sy sê polisiebeamptes staan gereed om die hoëprofielbesoekers se veiligheid te waarborg.
Daar sal op algemene misdaadbekamping, voetpatrollies en polisiesigbaarheid gefokus word om te verseker sake verloop vir die duur van die beraad glad.
Shikwambi waarsku die Rehobother-pad sal veral van eerskomende naweek af bedrywig wees en soms gesluit word om deelnemers aan die beraad, wat vanjaar by die Safari-hotel plaasvind, vrye toegang te gee.
“Die publiek moet kennis neem dat die gebied om die Safari-hotel vir die betrokke tydperk weens veiligheidsredes meer beperk sal wees,” sê sy.
Ander paaie in gebiede waar die belangrike gaste en afgevaardigdes tans woon, sal ook besig wees, en soms
sal die verkeer druk wees.
“Motoriste word dus aangemoedig om geduldig te wees en opsy te skuif sodat amptelike kavalkades verby kan beweeg – veral soggens en smiddae ná vyf. Die publiek word ook gevra om van ander roetes gebruik te maak om hul bestemmings te bereik,” sê sy.
“As handhawers van wet en orde doen ons 'n beroep op die publiek vir samewerking met betrekking tot 'n geleentheid van hierdie omvang, wat gesamentlike pogings vereis om veiligheid te verseker. Alle veiligheidsrolspelers is betrokke en tot dusver is sake goed gekoördineer,” sê sy.
Namibië het amptelik reeds N$50 miljoen begroot om gasheer vir die 16 genooide staatspresidente van die streek te speel.
Elk van die presidente wat die beraad bywoon, sal toegang tot 12 motors vir hul kavalkades hê.
Windhoek se vier grootste hotelle sal elk 'n staatshoof in hul presidensiële geriewe akkommodeer, terwyl nog 11 luukse kamers by die Buitekluboord, Safari-, Avani- en Hilton-hotel vroeg reeds bespreek is.
'n Bykomende 20 kamers is in Julie reeds vir besoekende ministers in die hoofstad bespreek.
Hierdie en ander uitgawes word gewoonlik deur die gasheerland gedek.
Die Namibiese polisie (Nampol) moes hul teenwoordigheid in voorbereiding op die aankoms van die Suider-Afrikaanse Ontwikkelingsgemeenskap (SADC) se staatshoofde in die hoofstad versterk.
Die 38ste SADC-beraad vind tans in Windhoek plaas.
Volgens hoofinsp. Kauna Shikwambi, woordvoerder vir Nampol, kan Windhoek se inwoners – veral motoriste – verhoogde polisieteenwoordigheid op die hoofstad se paaie verwag.
Sy sê polisiebeamptes staan gereed om die hoëprofielbesoekers se veiligheid te waarborg.
Daar sal op algemene misdaadbekamping, voetpatrollies en polisiesigbaarheid gefokus word om te verseker sake verloop vir die duur van die beraad glad.
Shikwambi waarsku die Rehobother-pad sal veral van eerskomende naweek af bedrywig wees en soms gesluit word om deelnemers aan die beraad, wat vanjaar by die Safari-hotel plaasvind, vrye toegang te gee.
“Die publiek moet kennis neem dat die gebied om die Safari-hotel vir die betrokke tydperk weens veiligheidsredes meer beperk sal wees,” sê sy.
Ander paaie in gebiede waar die belangrike gaste en afgevaardigdes tans woon, sal ook besig wees, en soms
sal die verkeer druk wees.
“Motoriste word dus aangemoedig om geduldig te wees en opsy te skuif sodat amptelike kavalkades verby kan beweeg – veral soggens en smiddae ná vyf. Die publiek word ook gevra om van ander roetes gebruik te maak om hul bestemmings te bereik,” sê sy.
“As handhawers van wet en orde doen ons 'n beroep op die publiek vir samewerking met betrekking tot 'n geleentheid van hierdie omvang, wat gesamentlike pogings vereis om veiligheid te verseker. Alle veiligheidsrolspelers is betrokke en tot dusver is sake goed gekoördineer,” sê sy.
Namibië het amptelik reeds N$50 miljoen begroot om gasheer vir die 16 genooide staatspresidente van die streek te speel.
Elk van die presidente wat die beraad bywoon, sal toegang tot 12 motors vir hul kavalkades hê.
Windhoek se vier grootste hotelle sal elk 'n staatshoof in hul presidensiële geriewe akkommodeer, terwyl nog 11 luukse kamers by die Buitekluboord, Safari-, Avani- en Hilton-hotel vroeg reeds bespreek is.
'n Bykomende 20 kamers is in Julie reeds vir besoekende ministers in die hoofstad bespreek.
Hierdie en ander uitgawes word gewoonlik deur die gasheerland gedek.
Kommentaar
Republikein
Geen kommentaar is op hierdie artikel gelaat nie