Droombos-drome

13 September 2019 | Kuns en vermaak
Net ‘n kort entjie uit die hoofstad, op die lughawepad, is Droombos – die venue waaroor jy al vir jare droom om jou spesiale geleentheid aan te bied.

Met Kollig se onlangse besoek aan die landgoed ná hul amptelike opening, is ons hartlik verwelkom deur die banketbestuurder, Lawren Pringle.

Sy vertel die landgoed is oorspronklik deur die bekende, plaaslike argitek Desmond Howard ontwikkel, en dat Mirinda en Kallie van der Merwe ongeveer 'n jaar gelede oorgeneem het.

“In daardie stadium was dinge nie veel meer as 'n rou dop nie, en dit het amper 'n jaar geduur om alles in werking te stel en te kom tot op die punt waar dit vandag is,” sê sy.

Nou kan die klein maar toegewyde span van Droombos vir jou die perfekte pakket vir ‘n troue, korporatiewe geleentheid of selfs 'n romantiese wegbreek help skep.

Om te ervaar wat Droombos alles aanbied, neem Lawren ons op 'n vinnige toer deur die eiendom. Ons eerste stop is by De Rooie Gallery wat die perfekte ligging is vir kleiner geleenthede of 'n kerkseremonie vir tussen 10 en 250 mense. Tydens ons besoek is die ruimte vir 'n uitstalling gebruik.

Volgende was The Lounge, waar jy 'n koue goue of meer gesofistikeerde wyn- of whiskykeuses kan geniet. Die biblioteek is aangrensend, wat ideaal is vir kleiner konferensies, privaat etes of intieme vieringe.

Die vlagskiplokaal van Droombos is The Black Barn - 'n groot ruimte vir troues, groot konferensies of daardie verjaardagpartytjie waaroor jy al jare lank droom. Hier kan hulle tussen 180 en 500 mense akkommodeer en die ruimte het ook sy eie kombuisgeriewe.

Laaste maar nie die minste nie, is The Restaurant (oop van Dinsdag tot Sondag) waar ontbyt, middagete en aandete bedien word deur een van hul vier sjefs, en op versoek à la carte-etes of spesiale spyskaarte voorsit.

Hoewel Droombos 'n plek vir spesiale geleenthede is, bied die landgoed ook tien luukse kamers, elkeen met sy eie badkamer en stoep. Elke eenheid is vernoem na ‘n soort krui en spog met sy eie unieke dekor en ontwerpkenmerke, wat luukshede soos 'n Nespresso-koffiemasjiene en Egiptiese katoenlinne insluit.

Die Droombos-tuin spog met twee reusegrasperke, 'n verskeidenheid bome (insluitend 140 appelbome en twee akasias wat meer as 400 jaar oud is), kleurvolle blomme en 'n kruietuin.

"Ons sien baie uit daarna om ons eie kruie en groente in die kombuis te gebruik," sê Lawren.

Alle organiese materiaal word uit die komposhoop op die terrein gehaal. Wat Droombos ekstra spesiaal maak, is dat die meeste geboue enkelvoudige strukture op die grond is en deur plaaslike vakmanne met die gebruik van palissander, marmer en rooi Kalahari-sand afgerond is.

Geen wonder nie dat die landgoed ook 'n eie werkswinkel het waar maatwerk van hout en staal in 'n japtrap geskep kan word.

Droombos kan in alle behoeftes vir enige geleentheid voorsien.

Lawren sê hulle het bykans alles wat nodig is vir jou spesiale geleentheid, van eet- en drinkgoed tot dekor. As hulle dit nie het nie, reël hulle dit by verskaffers en help sodoende jou unieke pakket skep.

Besoek droombosvenue.com vir meer inligting of skakel 083 288 8352.

Soortgelyk

 

Covid-19: 5de nuwe geval binne 4 dae

14 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...