Droogtehulpfonds nou op N$9,5 miljoen
Engen Namibia het vir die derde keer ’n skenking aan die Dare to Care-droogtehulpfonds gemaak.
Dié keer het hulle N$977 000 ingesamel en oorhandig.
Engen het in Junie aangekondig die maatskappy sal drie maande lank 5c aan die fonds skenk vir elke liter brandstof wat by enige van hul diensstasies landswyd verkoop word.
Die eerste oorhandiging het N$850 000 behels, en aan die einde van Julie is N$1 miljoen oorhandig.
Volgens die Namibiese landbou-unie (NLU) se uitvoerende bestuurder, mnr. Roelie Venter, staan die fonds nou op N$9,5 miljoen.
Die boumaatskappy Nexus Namibia het terselfdertyd N$100 000 aan die fonds geskenk.
Die Dare to Care-droogtehulpfonds is ’n gesamentlike projek van die NLU en die Namibië Ontluikende Kommersiële Boere-unie (Necfu), en is ten bate van alle boere – kommunaal of kommersieel.
Dié keer het hulle N$977 000 ingesamel en oorhandig.
Engen het in Junie aangekondig die maatskappy sal drie maande lank 5c aan die fonds skenk vir elke liter brandstof wat by enige van hul diensstasies landswyd verkoop word.
Die eerste oorhandiging het N$850 000 behels, en aan die einde van Julie is N$1 miljoen oorhandig.
Volgens die Namibiese landbou-unie (NLU) se uitvoerende bestuurder, mnr. Roelie Venter, staan die fonds nou op N$9,5 miljoen.
Die boumaatskappy Nexus Namibia het terselfdertyd N$100 000 aan die fonds geskenk.
Die Dare to Care-droogtehulpfonds is ’n gesamentlike projek van die NLU en die Namibië Ontluikende Kommersiële Boere-unie (Necfu), en is ten bate van alle boere – kommunaal of kommersieel.
Kommentaar
Republikein
Geen kommentaar is op hierdie artikel gelaat nie