Droogtehulp as Valentynsgeskenk

‘n Konvooi van 10 lorries vol lusern het gister van die Hardapskema af na verskeie bestemmings in die Suide vertrek. Hierdie veevoer vir boere is ‘n inisiatief van Kaap Agri Namibia en Pupkewitz Megabuild, in samewerking met Pupkewitz Holdings, Hollard Namibia, Snyman Transport, Vivo Energy, Bernie Simon en Thomson Transport. Die Namibië Landbou-unie (NLU) het gehelp om die gebiede te identifiseer waarheen die voer geneem moet word om dit onder kommunale en kommersiële boere te versprei. Dié liefdesprojek op Valentynsdag staan bekend as #togetherwearestrong en sal binnekort deur nóg 10 vragte gevolg word. Foto Yochanaan Coetzee