Drikus verower ‘Everest’ in minder as tien ure

Tielman van LillDrikus Coetzee, een van Namibië se topfietsryers en ook Namibiese nasionale tydtoetskampioen vir 2018 en 2019, het vandeesweek die speke in ‘n unieke persoonlike uitdaging laat sing.Die 27-jarige Coetzee van Windhoek het Dinsdag die eerste Namibiese fietsryer geword om die virtuele Everesting Challenge binnenshuis via die aanlyn Zwift-program in minder as tien ure op sy fiets af te lê.Die uitdaging behels om 8 848 meter (die hoogte van Mount Everest) te behaal deur die selfde bergpas herhaaldelik te takel. Die rit moet ononderbroke voltooi word.Daar is geen bepaalde tydperk waarin die ryer die uitdaging moet voltooi nie.Coetzee se keuse was die ikoniese Alpe d’Huez-pas in die Franse Alpe van 12,44 kilometer en 1 030 m se vertikale klim met 21 haarnaalddraaie wat tussen 36 grade wissel. Die berugte pas word jaarliks tydens die moordende Tour de France-fietstoer slegs een keer oorgesteek.Toe Coetzee 8 848 meter ná 8,5 klimme en 216 km in 9 ure en 49 minute bereik, was hy nog nie tevrede nie. Hy het voortgegaan deur dié pas weer ‘n paar keer uit te daag en ‘n hoogte van 10 393 m (meer as 10 km hoog) in 11:43 geregistreer.Die tien keer wat hy teen die Alpe d’Huez op en af is, gee ‘n totale afstand van 262 km wat hy teen ‘n gemiddelde spoed van 22,37 kilometer per uur afgelê het.Sy prestasie plaas Namibië tans 97ste op die Everesting-program van lande wat dié uitdaging suksesvol voltooi het. Coetzee sê sy vinnige tyd was nie beplan nie, want dit was glad nie deel van sy planne nie.Die gemiddelde tyd wat ryers neem om 8 848 m te behaal is 13 ure. Coetzee se tien ure rit plaas hom onder die room van ryers.Coetzee sê: “Ek het die uitdaging aangepak om my persoonlike grense te verskuif. Ek het nog altyd van uitdagings en uithouritte gehou waar my geestelike, asook fisieke vermoëns tot die uiterste beproef word.“Ek het daarin geslaag om die virtuele Everesting Challenge, waar die beroemde Alpe d’Huez-pas 100 persent nageboots word, tien keer te oorwin. My tyd van minder as tien ure om 8 848 m te breik, maak my die eerste Namibiër om dit te behaal.“Ofskoon die tydsduur nie deel van my planne was nie, is my tyd van 9:49 van die vinnigste tye wat nog geregistreer is.“Om die Alpe d’Huez-pas vir Namibiese fietsryers in perspektief te plaas kan hulle die Matchless-klim 25 keer moet herhaal om dieselfde pretasie aan te teken. “Namibië is nou die 97ste land wat die uitdaging suksesvol voltooi het en dit sal sodanig by www.everesting.cc in die Hall of Fame aangeteken word,” het Coetzee trots aan Republikein gesê.Coetzee het die afgelope paar jaar verskeie mylpale as talentvolle fietsryer in Namibië, asook buite die land se grense behaal. Hy het ook laasjaar ‘n massiewe bydrae gelewer om Namibië vir die Olimpiese Spele te help kwalifiseer.PRESTASIESDesert Dash (+- 370 km)2017 Tweede in ‘n tweemanspan2018 Tweede as soloryer2019 Eerste as ‘n gemengde tweemanspan20181 Namibiese nasionale tydtoetskampioen2 Tweede in die nasionale padfietskampioenskap3. Vyfde in die tydtoets by die Afrika-kampioenskap4 Eerste in die Food Lovers Market-tydtoetsreeks5 Bergfietskampioen in die Gravel & Dirt-reeks7. Algeheel vyfde en beste Namibiese ryer in die Tour de Windhoek oor drie dae20191 Namibiese nasionale tydtoetskampioen2 Tiende in die tydtoets by die Afrika-spele3 Vyfde in die tydtoets by die Afrika-kampioenskappe4 54ste in Engeland by die tydtoetswêreldkampioenskappe5 Eerste in die Food Lovers Market-tydtoetsreeks6 Bergfietskampioen in die Gravel & Dirt-reeks7. Eerste IN die Pick n Pay Cycle Classic.- tielman@republikein.com.na

Drikus verower ‘Everest’ in minder as tien ure

Kommentaar

Republikein 2026-02-03

Meld asseblief aan om kommentaar te lewer

Drikus verower ‘Everest’ in minder as tien ure

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.