Driejarige sterf in motorongeluk

Die bestuurder van ’n bakkie het Vrydag omstreeks 15:30 glo beheer oor sy voertuig verloor nadat ’n band gebars het. Die bakkie het verskeie kere gerol. ’n Driejarige het op die toneel gesterf. Nog ’n vrou is op pad na die hospitaal op Gobabis dood.
Al 11 passasiers in die bakkie is uit die voertuig geslinger. Die bestuurder het ’n veiligheidsgordel aangehad. Die ongeluk het sowat 20 kilometer voor Omitara op die C29 tussen Omitara en Otjinene plaasgevind.