Drie verkragters skuldig

Kristien Kruger – Die drie mans wat in 2016 'n vrou in die bosse in die Damara Block- informele nedersetting naby Gobabis om die beurt verkrag het, is gister in die hoërhof in Windhoek skuldig bevind.Die mans, Norman Witbeen, Kingsley Balzer en Fritz Naobed, het tereggestaan op klagte van verkragting, diefstal en aanranding. Al drie is skuldig bevind op die klag van verkragting, maar nie op die klag van aanranding nie. Slegs Witbeen is skuldig bevind op die klag van diefstal, omdat hy die slagoffer se selfoon gesteel het.Balzer en Naobeb was tydens die voorval 15 jaar oud en Witbeen was 19.Die beskuldigdes het onskuldig gepleit en beweer dit was konsensuele seks.Volgens regter Naomi Shivute se uitspraak was dit weersprekende elemente in die drie verdagtes se weergawes van gebeure wat dit onwaarskynlik maak dat hulle die waarheid praat.VERDEDIGINGMnr. Milton Engelbrecht, Noabeb se regsverteenwoordiger, het in die hof beweer die klaer het uit vrye wil saam met die drie mans geloop, hoewel haar vriende aangebied het om haar huis toe te vat.Die verdediging het tydens die verhoor aangevoer die klaer het nie een keer tydens die sowat vier kilometer wat hulle gestap het iemand om hulp gevra nie en sy het glo 'n kombers by haar huis gaan haal voor sy saam met die drie mans bosse toe is. Sy het ook Witbeen se baadjie as 'n kussing gebruik gedurende die seksuele omgang.Engelbrecht het aangevoer die aanklaers het onvoldoende bewyse gelewer dat die seks nie konsensueel was nie en dat die beskuldigdes daarom die voordeel van die twyfel moet kry.Volgens Shivute het die staat daarin geslaag om die onwaarskynlikheid daarvan bo redelike twyfel te bewys.Shivute het egter beslis dat die staat nie daarin kon slaag om die aanrandingsklag te bewys nie. Hoewel sy glo die mans was met 'n mes en panga gewapen, is daar geen aanduiding dat hulle haar enige fisieke leed aangedoen het nie.Die finale argumente en voorleggings voor vonnisoplegging is vir 25 Januarie 2021 geskeduleer. – kristien@republikein.com.na

Drie verkragters skuldig

Kommentaar

Republikein 2025-12-15

Meld asseblief aan om kommentaar te lewer

Drie verkragters skuldig

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.