Drie sterftes, 154 nuwe gevalle

Die Covid-sterftes styg met drie tot 3 288. Die sterftes is in Okongo, Eenhana en Onandjokwe aangeteken. Die een in Okongo was 'n tuissterfte. Nie een van die sterfgevalle was ingeënt nie. Gister is 154 nuwe gevalle aangeteken, 'n positiewe koers van 13%. Die meeste gevalle is in die Ohangwenastreek (24%) gevolg deur Oshikoto se 21%. Onder die gevalle is 36 leerlinge, twee studente en vyf gesondheidswerkers. Elf van die gevalle het hul eerste dosis ontvang (7,1%) en ses (4%) is ten volle ingeënt.
Tans is daar 2 917 aktiewe gevalle waarvan 240 in die hospitaal en 49 in die ICU is. Tot op hede het 187 892 mense hul eerste dosis entstof ontvang, terwyl 80 664 ten volle ingeënt is. Die positiewe koers staan op 95%.