Drie ruiters op pad na Italië

Namibië stuur vir die eerste keer in jare weer 'n jong uithouritspan na die FEI Meydan wêreldkampioenskap vir jong ruiters wat op 23 September in Verona, Italië plaasvind.Jonel Coetzee van Otjivero uithouritklub, Maya Janbey van Windhoek-klub en Bianca Jacobs van Okanjande-klub is die enigste drie ruiters wat vir die wêreldkampioenskap gekwalifiseer het.Om te kwalifiseer, moes die ruiters in 'n 24 maande tydperk drie FEI tweester-ritte suksesvol voltooi waarvan een rit 'n ruiter-perd kombinasie moet wees. Dit beteken dat die ruiters almal oorsee moes gaan om op 'n perd te gaan kwalifiseer. Die ruiters moet oorsee perde huur omdat dit vir Namibiërs onmoontlik is om met hul eie perde daar deel te neem. Die koste verbonde aan die huur van die perde, twee maal se vliegkoste en verblyf is alles die ouers se verantwoordelikheid. Jonel en Maya se perde is van Italië en Bianca se perd is van Portugal afkomstig. Al die betrokkenes het waardering vir Sylvia Janbey wat die inisiatief geneem het om kaartjies vir 'n geldinsameling te verkoop. Die pryse wat gewen kan word: een bergsebravel, vleis van drie gemsbokke, vleis van een eland, naweek vir twee by Roidina Lodge. Die kaartjies kos N$100. Kontak vir Sylvia by info@osonjiva.com as jy graag die span wil ondersteun. Die trekking vind op 15 September plaas. 'n Borgskap is van Equitime Saddlery van Italië gekry vir die mooi tooms in die kleure van die landsvlag waarmee die meisies gaan deelneem. Elke ruiter word vergesel deur 'n ouer en die spanbestuurder is Lientjie de Wit.

Drie ruiters op pad na Italië

Kommentaar

Republikein 2025-09-10

Meld asseblief aan om kommentaar te lewer

Drie ruiters op pad na Italië

Kommentaar

Republikein 2025-09-10

Meld asseblief aan om kommentaar te lewer

MELD AAN

Advertensie