Drie meisies glo op Aranos verkrag
Tanja Bause – Drie meisies is die afgelope naweek na bewering in afsonderlike gevalle op Aranos verkrag.
’n 14-jarige meisie is Vrydag glo in die Nuwerus-nedersetting deur ’n 15-jarige seun verkrag. Die seun is in hegtenis geneem en die ondersoek duur voort.
’n 15-jarige meisie is Vrydag in dieselfde nedersetting na bewering deur ’n 18-jarige seun verkrag. Hy is in hegtenis geneem.
Saterdag is ’n 15-jarige meisie glo in die Saamstaan-nedersetting op Aranos verkrag. Die verdagte het glo die meisie, wat by hom verbygeloop het, gegryp en in ’n verlate gebou ingesleep waar hy haar verkrag het. Die man is nog nie in hegtenis geneem nie.
’n 25-jarige man het glo Vrydag probeer om ’n vier maande oue baba te vermoor. Hy het na bewering die baba tussen sy bene gesit en probeer dooddruk. Hy het dit glo gedoen nadat die baba se ma hom vertel het die kind is nie syne nie. Die voorval het om 20:20 in die Illeni-nedersetting op Keetmanshoop gebeur. Volgens die Namibiese polisie se misdaadverslag is die verdagte ’n oudpolisiebeampte. Die baba is in die hospitaal opgeneem vir behandeling en die polisieondersoek duur voort.
Die liggaam van ’n babaseuntjie is in die Namwater-kanaal by die Oshiputusheendjamba-nedersetting in die Outapi-kiesafdeling gevind. Die liggaam was saam met ’n baksteen in ’n doek toegedraai. Die baba is nog nie geïdentifiseer nie en die polisieondersoek duur voort.
Mnr. Stanley Geingob (38), ’n onderwyser van Windhoek, het gister in die Windhoek-landdroshof in Katutura in verband met die moord op sy vrou verskyn. Hy het na bewering Vrydagaand by sy huis in Okuryangava aangekom en ná 'n bakleiery met sy vrou haar maag oopgesny. Me. Merentha Geingos is na die staatshospitaal in Katutura geneem en na die Windhoek Sentrale Hospitaal oorgeplaas. Sy het Saterdag aan haar wonde gesterf. Geingos was ’n onderwyseres by die Primêre Skool Steenkamp. Die verdagte het homself aan die polisie oorgegee. Hy is gister borgtog geweier.
DIEFSTAL
Vrydag het ’n werknemer van Indongo Toyota op Ongwediva verskeie motoronderdele en toebehore vanuit die werkwinkel in sy voertuig gelaai en huis toe gevat.
Hy is deur ’n sekuriteitskamera afgeneem terwyl hy die onderdele, ter waarde van N$48 000, in sy voertuig laai. Van die items is teruggekry en die man is in hegtenis geneem.
Twee gewapende rowers het Saterdag om 11:30 in Deltastraat in Khomasdaal N$10 000 kontant en twee selfone ter waarde van N$15 000 gesteel. Die slagoffers het die N$10 000 by ’n bank in Khomasdal getrek. Terwyl hulle die voertuig op die erf geparkeer het, het die mans die erf binnegekom en hulle met ’n pistool gedreig. Hulle het in ’n silwer Toyota Corolla sonder nommerplate gevlug en is nog nie in hegtenis geneem nie.
’n 14-jarige meisie is Vrydag glo in die Nuwerus-nedersetting deur ’n 15-jarige seun verkrag. Die seun is in hegtenis geneem en die ondersoek duur voort.
’n 15-jarige meisie is Vrydag in dieselfde nedersetting na bewering deur ’n 18-jarige seun verkrag. Hy is in hegtenis geneem.
Saterdag is ’n 15-jarige meisie glo in die Saamstaan-nedersetting op Aranos verkrag. Die verdagte het glo die meisie, wat by hom verbygeloop het, gegryp en in ’n verlate gebou ingesleep waar hy haar verkrag het. Die man is nog nie in hegtenis geneem nie.
’n 25-jarige man het glo Vrydag probeer om ’n vier maande oue baba te vermoor. Hy het na bewering die baba tussen sy bene gesit en probeer dooddruk. Hy het dit glo gedoen nadat die baba se ma hom vertel het die kind is nie syne nie. Die voorval het om 20:20 in die Illeni-nedersetting op Keetmanshoop gebeur. Volgens die Namibiese polisie se misdaadverslag is die verdagte ’n oudpolisiebeampte. Die baba is in die hospitaal opgeneem vir behandeling en die polisieondersoek duur voort.
Die liggaam van ’n babaseuntjie is in die Namwater-kanaal by die Oshiputusheendjamba-nedersetting in die Outapi-kiesafdeling gevind. Die liggaam was saam met ’n baksteen in ’n doek toegedraai. Die baba is nog nie geïdentifiseer nie en die polisieondersoek duur voort.
Mnr. Stanley Geingob (38), ’n onderwyser van Windhoek, het gister in die Windhoek-landdroshof in Katutura in verband met die moord op sy vrou verskyn. Hy het na bewering Vrydagaand by sy huis in Okuryangava aangekom en ná 'n bakleiery met sy vrou haar maag oopgesny. Me. Merentha Geingos is na die staatshospitaal in Katutura geneem en na die Windhoek Sentrale Hospitaal oorgeplaas. Sy het Saterdag aan haar wonde gesterf. Geingos was ’n onderwyseres by die Primêre Skool Steenkamp. Die verdagte het homself aan die polisie oorgegee. Hy is gister borgtog geweier.
DIEFSTAL
Vrydag het ’n werknemer van Indongo Toyota op Ongwediva verskeie motoronderdele en toebehore vanuit die werkwinkel in sy voertuig gelaai en huis toe gevat.
Hy is deur ’n sekuriteitskamera afgeneem terwyl hy die onderdele, ter waarde van N$48 000, in sy voertuig laai. Van die items is teruggekry en die man is in hegtenis geneem.
Twee gewapende rowers het Saterdag om 11:30 in Deltastraat in Khomasdaal N$10 000 kontant en twee selfone ter waarde van N$15 000 gesteel. Die slagoffers het die N$10 000 by ’n bank in Khomasdal getrek. Terwyl hulle die voertuig op die erf geparkeer het, het die mans die erf binnegekom en hulle met ’n pistool gedreig. Hulle het in ’n silwer Toyota Corolla sonder nommerplate gevlug en is nog nie in hegtenis geneem nie.
Kommentaar
Republikein
Geen kommentaar is op hierdie artikel gelaat nie