Drie lande sal help met droogte

Elvira Hattingh - Drie lande, naamlik Amerika, Rusland en Australië, het aangedui hulle wil Namibië tydens die huidige droogte bystaan. Dit volg nadat president Hage Geingob onlangs ‘n noodtoestand vir droogte aangekondig het en die regering ‘n beroep op internasionale steun gedoen het om hul eie droogtereaksieplanne aan te vul. Gister het die die Amerikaanse ambassedeur in Namibië, me. Lisa Johnson, aangekondig dat Amerika, deur middel van die Amerikaanse agentskap vir internasionale ontwikkeling (USAID) se kantoor vir ramphulp (OFDA), sowat N$1,4 miljoen vir onmiddellike droogtehulp in Namibië gaan toestaan. Johnson het gesê die geld sal gebruik word om humanitêre hulp in geraakte gemeenskappe te verleen deur die verskaffing van water en sanitasiegeriewe, en ook om in te gryp om higiëne te verseker. Dit sal alles onder leiding van die Namibië Rooikruisvereniging (NRCS) van stapel gestuur word, het sy gesê.Die Amerikaanse ambassadeur het gesê Namibië ervaar ‘n ernstige droogte in die meeste dele van die land, nadat die droogste reënseisoen in sowat 38 jaar voorgekom het. Die ambassadeur sê in ‘n persverklaring gewasproduksie is ver ondergemiddeld terwyl beeste van dors en ‘n tekort aan weiding vrek. Volgens ‘n persverklaring raak die droogte sowat 556 000 mense, oftewel bykans een in elke vyf Namibiërs. Intussen het Rusland se adjunk- eerste minister, mnr. Joeri Troetnef, ook aangedui dat sy land gereed is om Namibië by te staan, berig Nampa. Hy het die president verlede Donderdag saam met ander Russiese amptenare by Staatshuis besoek.“Ons is gereed om weens die droogte humanitêre hulp aan Namibië te verleen. In verband hiermee wil ons vra dat jul regering ‘n amptelike versoek aan die Russiese regering rig sodat ons ‘n amptelike fondament het om die hulp te verleen,” het hy gesê. Volgens Nampa het Troetnef gesê die landbousektor is baie dinamies, wat die samewerking tussen Namibië en Rusland verder kan verbeter.“Vandag het ons in fyn besonderhede gesels oor die rigtings wat ons samewerking moet inslaan, en die grootste dinamika wat ons sien, is in die landbousektor opgesluit,” het hy tydens sy besoek aan Staatshuis gesê. Troetnef het ook die afgelope Sondag die agste vergadering van die Namibië-Rusland inter-owerheidskommissie bygewoon, waarvan die doel was om bilaterale samewerking tussen die twee lande te hersien. Intussen het die Australiese hoë kommissaris in Namibië, mnr. Adam McCarthy, aangedui dat sy land ook beplan om hulp aan Namibië tydens die droogte te verleen en dat besprekings hieroor sal plaasvind sodra die Australiese verkiesing afgehandel is. Die ambassadeur het die inligting bekend gemaak tydens sy afskeidsbesoek verlede week aan die president. Twee jaar gelede het die Australiese regering ook N$100 miljoen as droogtehulp vir Namibië geskenk.

Drie lande sal help met droogte

Kommentaar

Republikein 2026-02-04

Meld asseblief aan om kommentaar te lewer

Drie lande sal help met droogte

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.