Drie kinders verdrink in Noorde

Ambulansman ‘dronk’

14 January 2020 | Ongelukke
Verskeie mense het oor die naweek in gronddamme en waterpoele in die Noorde verdrink, lui die polisie se misdaadverslag.

Fillemon Ngoloti (10) het Vrydag op ’n onbekende tyd diere saam met ander kinders in die veld opgepas.

Hy het die aand nie huis toe teruggekeer nie.

Later is ontdek hy het glo in ’n gronddam verdrink.

Die voorval het in die Onambaba- nedersetting in Omungwelume plaasgevind.

Ook in Omungwelime het Mathias Shikomba (6) en Tomas Kambalala (12) in die Endola-nedersetting in ’n gronddam verdrink.

Die twee seuns het Vrydag diere opgepas en nie huis toe teruggekeer nie. Hul lyke is in die gronddam gevind.

Die ouer seun het die jonger een glo uit die water probeer red toe hy ook verdrink het.

Wanailongo Tangeni (18) het Sondag na wat verneem word omstreeks 11:00 in die Okambonde-nedersetting op Oniipa verdrink.

Hy en twee vriende het glo in ’n waterpoel gaan swem toe die voorval plaasgevind het.

Saterdag het me. Hilya Petrus (57) glo in die Othilu Okandongwena-nedersetting in Ongwediva by haar huis in ’n waterpoel verdrink.

Mnr. Timoteus Mwaxauulange (53) het Sondag om 11:00 glo in die Onjandjo-nedersetting naby Ondangwa in ’n gronddam verdrink.

Ongelukke

Volgens die Namibiese polisie se misdaadverslag het die bestuurder van ’n staatsambulans Vrydag na bewering ’n kop-teen-kop-botsing veroorsaak.

Die ongeluk het om 21:45 op die hoek van Hans Dietrich Genscherstraat en Onafhanklikheidsrylaan plaasgevind.

Die ambulansbestuurder het glo gedraai sonder om aankomende verkeer in ag te neem, terwyl daar geen noodgeval was nie.

Hy het van voor af teen ’n sedan gebots.

Die ambulansbestuurder is toe in verband met dronkbestuur in hegtenis geneem.

Daar was geen pasiënt in die voertuig nie, en die sedan se insittendes is lig beseer.

Vrydag om 13:00 het ’n motorbestuurder beheer oor die voertuig wat hy bestuur het, verloor toe hy ’n ander voertuig wou verbysteek.

Die voertuig het omgeslaan en twee mense, Uakapima Ngumbi en Tjikotomba Tjingee, het op die toneel gesterf.

Sewe insittendes, insluitende die bestuurder, is met beserings in die Opuwo-staatshospitaal opgeneem.

Die voorval het op die grondpad tussen Opuwo en Otavi plaasgevind.

Die bestuurder was glo nie in die besit van ’n wettige rybewys nie.

’n Man (27) het Vrydag om 17:45 glo ’n voertuig sonder die eienaar se toestemming geneem en in Kasingastraat in die Usab-nedersetting by Karibib teen ’n stilstaande sedan gebots.

Die sedan het stilgestaan omdat die eienaar besig was om herstelwerk aan die voertuig te doen.

Drie mense is in die botsing beseer en ’n inwoner van Swakopmund, mnr. Masen Awaseb (28), het op die toneel gesterf.

Die verdagte het van die toneel gevlug en homself die volgende dag aan die polisie oorhandig.

Hy is glo nie in die besit van ’n geldige rybewys nie.

Sondag om 17:00 het die bestuurder van ’n voertuig op die grondpad tussen Berseba en Gainachas glo beheer oor die voertuig verloor en dit het omgeslaan. Die passasier, mnr. Christian Kulhman (19), is uit die voertuig geslinger en het op die toneel gesterf.

Die bestuurder (21) is met ernstige beserings in die Keetmanshoop-staatshospitaal opgeneem. Hy is glo nie in die besit van ’n wettige rybewys nie.

Saterdag het ’n voertuig me. Albertina Aron (28) glo op die hoofpad tussen Oshikuku en Elim by die Iingombwele-nedersetting omgery. Sy het op die toneel gesterf.

Die bestuurder is nog nie in hegtenis geneem nie en die polisie ondersoek die saak.

Sers. S.N. Akumbi is Sondag dood toe die voertuig omgeslaan het wat hy bestuur het.

Hy het op die Tsumkwe-grondpad gery en wou glo ’n botsing met beeste vermy, wat in die pad gelê het.

Hy het na wat verneem word uitgeswaai en die voertuig het omgeslaan.

Vyf passasiers is beseer en na die Mangetti-kliniek geneem.

Soortgelyk

 

Damme voller

6 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

6 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

6 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

6 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

6 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

6 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

6 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

6 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

6 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...