Drie kinders binne dae wreed vermoor

Denver Kisting – Namibiërs het gister opnuut gesteier onder skok nadat dit bekend geword het nóg ’n kind is wreed vermoor.Dit bring die aantal jong kinders wat tussen 21 en 26 Januarie wreed vermoor is op drie te staan.Dit het Maandag aan die lig gekom ’n tienjarige seun, Venotjina Tjiningire, is Sondaglaatmiddag naby Opuwo in die Kunestreek dood nadat hy glo deur ’n oom van hom aangerand is.AO Immanuel Iiduwa, ’n polisiewoordvoerder, het gesê die voorval het omstreeks 17:00 by Ekongo-Rakambuka in die Okondjombo-area plaasgevind.Volgens Iiduwa het die verdagte na bewering die seun oraloor sy liggaam met ’n boomtak geslaan nadat van die bokke, waarna die seun moes omsien, glo weggeraak het.Die voorval volg kort op die moord op ’n meisie, Akundaishe Chipomho (9), wat die afgelope Vrydagaand in die hoofstad vermoedelik ook doodgeslaan is. Haar verbrande oorskot is Saterdagoggend in ’n drom in Windhoek-Noord deur ’n afgetrede oudonderwyser ontdek.Die vrou wat vermoedelik haar ma is en ’n egpaar met wie hulle ’n meenthuis gedeel het, is Sondag in verband met die grudaad in hegtenis geneem.Die ma en die ander vrou verskyn na verwagting vanoggend in die landdroshof in Windhoek op aanklag van moord en dwarsboming van die gereg.Die man was Sondag saam met polisielede in ’n motorongeluk buite Otjiwarongo betrokke.Hy is ernstig beseer en word in ’n Windhoekse hospitaal behandel.Volgens komm. Nelius Becker, wat die ondersoek lei, sal hy voor die hof gedaag word sodra sy toestand voldoende verbeter.Die egpaar het na bewering Sondagoggend op die vlug geslaan toe hulle besef het die polisie is op hulle spoor.Hulle is by ’n padblokkade in die Otjozondjupastreek in hegtenis geneem.Die man en die vrou en die egpaar se drie kinders is afsonderlik Windhoek toe vervoer.Die Windhoekse kliniese sielkundige me. Eunice Gonzo het die afgelope week gesê: “As daar een ding is waarop ons kan ooreenkom, is dit dat die lewe van ’n kind kosbaar is. Nodeloos om te sê – enige misdaad wat ’n kind raak, word veel erger gesien as dié waarby volwassenes betrokke is.” Volgens haar kan die toename in geweld teen vroue en kinders onder meer aan morele verval toegeskryf word.– denver@republikein.com.na

Drie kinders binne dae wreed vermoor

Kommentaar

Republikein 2025-05-12

Meld asseblief aan om kommentaar te lewer

Drie kinders binne dae wreed vermoor

Kommentaar

Republikein 2025-05-12

Meld asseblief aan om kommentaar te lewer

MELD AAN

Advertensie