Drie dekades se demokrasie
Die respek en vreedsaamheid waarmee Namibiërs ondanks uitdagings en verskille net meer as 30 jaar gelede die eerste treë op die land se reis na demokratiese onafhanklikheid gegee het, moet vandag opnuut ons elkeen se gedrag lei.
Maak nie saak of ons kiesers, beamptes of wetsbewakers is, of ‘n ander rol vervul nie. Maak ook nie saak watter partye of presidensiële kandidate ons persoonlike gunstelinge mag wees nie.
In ‘n lewenskragtige demokrasie moet die groter landsbelang swaarder as die belange van individue of groepe weeg. Dit geld nie net op stemdag nie, maar in die alledaagse lewenswandel, bestuur, regering en besluitneming.
‘n Regering se goeie, of gebrekkige bestuur moet daarom onvermydelik in aanmerking geneem word. Kiesers moet nie deur propaganda en fopnuus mislei word nie, maar mag hul ook nie teen werklikhede blindstaar of vals en onuitvoerbare beloftes vertrou nie.
Tydens ‘n verkiesing eis stemgeregtigdes verantwoording. Hulle leef een van die mees basiese menseregte uit – die op inspraak – en tree as beskermers op van al die verantwoordelikhede wat saam met vryheid kom. Ons elkeen se vryheid.
Druk vandag die knoppies vir die party en/of presidensiële kandidaat van jou keuse. En stel ons land eerste.
So sê ander
26 November 2019
KSA verbrou die een vangkans ná die ander
Krieket Suid-Afrika (KSA) is soos ’n onbeholpe amateurkrieketspeler wat Sondagmiddae in die derde liga rondploeter, vangkanse verbrou, vir nulletjies uitgeboul word en links en regs wydlopers en foutballe afstuur.
Graeme Smith sê aikôna, hy wil nie dié spul se direkteur van krieket wees nie – ’n vangkans val op die grond. Thabang Moroe, uitvoerende hoof, sê hulle sou verlede Vrydag ’n aankondiging oor dié pos doen, maar dit gebeur nie – KSA se paaltjies spat in alle rigtings. Niemand weet wie waarneem as die keurkomitee nie, laat staan nog wie die nuwe keurderbaas gaan wees.
Engeland land op 15 Desember in Johannesburg en die eerste toets begin op 26 Desember. As die Proteas goed vaar in daardie reeks, sal dit ten spyte, nie danksy KSA wees nie.
Dit het begin by die aankondiging dat die Proteas se bestuurstruktuur geherstruktureer gaan word ná die Wêreldbeker-misoes.
Die vraag is nou: Wié gaan in dié belangrike pos aangestel word? Of liewer, wie wil dit hê? Dit lyk onwaarskynlik dat KSA een van die ander drie kandidate gaan aanstel. ’n Lang gesloer kan dus verwag word.
KSA moet ophou ploeter. Hy moet indringende besluite neem en professioneel optree. Anders gaan die Proteas ook soos ’n klubspan begin lyk.
• NETWERK24
Maak nie saak of ons kiesers, beamptes of wetsbewakers is, of ‘n ander rol vervul nie. Maak ook nie saak watter partye of presidensiële kandidate ons persoonlike gunstelinge mag wees nie.
In ‘n lewenskragtige demokrasie moet die groter landsbelang swaarder as die belange van individue of groepe weeg. Dit geld nie net op stemdag nie, maar in die alledaagse lewenswandel, bestuur, regering en besluitneming.
‘n Regering se goeie, of gebrekkige bestuur moet daarom onvermydelik in aanmerking geneem word. Kiesers moet nie deur propaganda en fopnuus mislei word nie, maar mag hul ook nie teen werklikhede blindstaar of vals en onuitvoerbare beloftes vertrou nie.
Tydens ‘n verkiesing eis stemgeregtigdes verantwoording. Hulle leef een van die mees basiese menseregte uit – die op inspraak – en tree as beskermers op van al die verantwoordelikhede wat saam met vryheid kom. Ons elkeen se vryheid.
Druk vandag die knoppies vir die party en/of presidensiële kandidaat van jou keuse. En stel ons land eerste.
So sê ander
26 November 2019
KSA verbrou die een vangkans ná die ander
Krieket Suid-Afrika (KSA) is soos ’n onbeholpe amateurkrieketspeler wat Sondagmiddae in die derde liga rondploeter, vangkanse verbrou, vir nulletjies uitgeboul word en links en regs wydlopers en foutballe afstuur.
Graeme Smith sê aikôna, hy wil nie dié spul se direkteur van krieket wees nie – ’n vangkans val op die grond. Thabang Moroe, uitvoerende hoof, sê hulle sou verlede Vrydag ’n aankondiging oor dié pos doen, maar dit gebeur nie – KSA se paaltjies spat in alle rigtings. Niemand weet wie waarneem as die keurkomitee nie, laat staan nog wie die nuwe keurderbaas gaan wees.
Engeland land op 15 Desember in Johannesburg en die eerste toets begin op 26 Desember. As die Proteas goed vaar in daardie reeks, sal dit ten spyte, nie danksy KSA wees nie.
Dit het begin by die aankondiging dat die Proteas se bestuurstruktuur geherstruktureer gaan word ná die Wêreldbeker-misoes.
Die vraag is nou: Wié gaan in dié belangrike pos aangestel word? Of liewer, wie wil dit hê? Dit lyk onwaarskynlik dat KSA een van die ander drie kandidate gaan aanstel. ’n Lang gesloer kan dus verwag word.
KSA moet ophou ploeter. Hy moet indringende besluite neem en professioneel optree. Anders gaan die Proteas ook soos ’n klubspan begin lyk.
• NETWERK24
Kommentaar
Republikein
Geen kommentaar is op hierdie artikel gelaat nie