Dr. Orford is fonds se bewaarder van die jaar
Francoise Steynberg - Dr. Jock Orford is verlede Vrydag in Windhoek tydens die Jagluiperdbewaringsfonds (CCF) se 20ste galadinee as hul bewaarder van die jaar aangewys.
Meer as 250 gaste het na die gasspreker, dr. Greg Rasmussen, 'n bewaringsbioloog van die Painted Dog-navorsingstrust in Zimbabwe, se praatjie geluister oor sy werk om Afrika se wildehond, een van die wêreld se hoogs bedreigde karnivoorspesies, te bewaar.
Die stigter en uitvoerende direkteur van die CCF, dr. Laurie Marker, het 'n oorsig oor die huidige stand van die jagluiperd gegee en het beklemtoon dié dier moet as een van Namibië se skatte bewaar word.
"Ekonomiese stelsels moet bevorder word waar mense in 'n gesonde en biodiverse landskap kan leef," het hy gesê.
Hoewel Orford 'n bekende Windhoekse ginekoloog is, was natuurbewaring nog altyd vir hom 'n passie – veral om ander maniere te vind om wild uit te dun.
"Met die ondersteuning van bewaringsreuse Bernabe de la Bat en dr. Hu Berry het Orford in die tagtigerjare baanbrekersnavorsing saam met sy vrou, Rosie, in die Etosha Nasionale Park oor voorbehoedmiddels vir leeus gedoen," het Marker gesê.
Voorbehoedmiddels is toe in leeuwyfies ingeplant om die leeubevolking se groei te beheer as 'n alternatiewe metode om leeus uit te dun.
Orford is 'n stigterslid van die Bedreigde Wildlewetrust van Namibië, steeds 'n direksielid van die Namibië Natuurstigting (NNF) en sedert 1992 ’n stigterslid van die CCF.
Hy pas ook jagluiperdbewaring op sy eie beesplaas naby Dordabis toe.
Mnre. Johannes Andjamba en sy seun, Thomas, het die CCF se boer van die jaar-toekenning ontvang.
Hulle boer al vir meer as 20 jaar met beeste, bokke en skape op die plaas Oshipaya Maroela Vaal in die Tsumeb-distrik.
"Hulle het meer as 10 veeverliese per jaar as gevolg van roofdiere gely en dit aan Agra gerapporteer. Agra het hulle na die CCF verwys. Thomas het 'n kursus by die CCF voltooi en in November 2006 'n herdershond gekry," het Marker vertel.
"Hulle het die hond ‘Otjiwarongo’ gedoop en sedertdien het hul veeverliese na nul gedaal. Met Otjiwarongo wat op die ouderdom van 12 jaar moet aftree, gaan hulle nou 'n nuwe Anatoliese skaaphondjie by die CCF kry om die sukses op hul plaas voort te sit."
Marker het die CCF-toekenning vir besigheid van die jaar aan die Safari Hotel en Konferensiesentrum oorhandig vir hul ondersteuning tydens die Pathways Afrika- internasionale konferensie wat vroeër vanjaar daar plaasgevind het. Meer as 200 internasionale en plaaslike wildbewaringskenners van 28 lande het dié konferensie bygewoon.
Meer as 250 gaste het na die gasspreker, dr. Greg Rasmussen, 'n bewaringsbioloog van die Painted Dog-navorsingstrust in Zimbabwe, se praatjie geluister oor sy werk om Afrika se wildehond, een van die wêreld se hoogs bedreigde karnivoorspesies, te bewaar.
Die stigter en uitvoerende direkteur van die CCF, dr. Laurie Marker, het 'n oorsig oor die huidige stand van die jagluiperd gegee en het beklemtoon dié dier moet as een van Namibië se skatte bewaar word.
"Ekonomiese stelsels moet bevorder word waar mense in 'n gesonde en biodiverse landskap kan leef," het hy gesê.
Hoewel Orford 'n bekende Windhoekse ginekoloog is, was natuurbewaring nog altyd vir hom 'n passie – veral om ander maniere te vind om wild uit te dun.
"Met die ondersteuning van bewaringsreuse Bernabe de la Bat en dr. Hu Berry het Orford in die tagtigerjare baanbrekersnavorsing saam met sy vrou, Rosie, in die Etosha Nasionale Park oor voorbehoedmiddels vir leeus gedoen," het Marker gesê.
Voorbehoedmiddels is toe in leeuwyfies ingeplant om die leeubevolking se groei te beheer as 'n alternatiewe metode om leeus uit te dun.
Orford is 'n stigterslid van die Bedreigde Wildlewetrust van Namibië, steeds 'n direksielid van die Namibië Natuurstigting (NNF) en sedert 1992 ’n stigterslid van die CCF.
Hy pas ook jagluiperdbewaring op sy eie beesplaas naby Dordabis toe.
Mnre. Johannes Andjamba en sy seun, Thomas, het die CCF se boer van die jaar-toekenning ontvang.
Hulle boer al vir meer as 20 jaar met beeste, bokke en skape op die plaas Oshipaya Maroela Vaal in die Tsumeb-distrik.
"Hulle het meer as 10 veeverliese per jaar as gevolg van roofdiere gely en dit aan Agra gerapporteer. Agra het hulle na die CCF verwys. Thomas het 'n kursus by die CCF voltooi en in November 2006 'n herdershond gekry," het Marker vertel.
"Hulle het die hond ‘Otjiwarongo’ gedoop en sedertdien het hul veeverliese na nul gedaal. Met Otjiwarongo wat op die ouderdom van 12 jaar moet aftree, gaan hulle nou 'n nuwe Anatoliese skaaphondjie by die CCF kry om die sukses op hul plaas voort te sit."
Marker het die CCF-toekenning vir besigheid van die jaar aan die Safari Hotel en Konferensiesentrum oorhandig vir hul ondersteuning tydens die Pathways Afrika- internasionale konferensie wat vroeër vanjaar daar plaasgevind het. Meer as 200 internasionale en plaaslike wildbewaringskenners van 28 lande het dié konferensie bygewoon.
Kommentaar
Republikein
Geen kommentaar is op hierdie artikel gelaat nie