Dorstige Neckartal kós belastingbetaler

Ronelle Rademeyer - Die Namibiese belastingbetaler het reeds N$3,4 miljard vir die Neckartaldam se konstruksie opgedok en daar is steeds reusebedrae uitstaande. Dít terwyl die projek veronderstel was om N$2,8 miljard te kos.Hierdie omvangryke konstruksieprojek was uit die staanspoor in omstredenheid gehul vir die wyse waarop die tender toegeken is en die daaropvolgende hofsaak, asook vanweë beweringe van omkoopgeld wat tydens die tenderstryd betaal is.Mnr. Leopold Niipare, direkteur van watervoorsiening en sanitasiekoördinering in die ministerie van landbou, water en bosbou, het gister by navraag bevestig dat die Italiaanse kontrakteur, Salini Impregilo, bouwerk afgeskaal en die getal werksure per skof ingeperk het, aangesien die regering agterstallig is met sy betalings.Die produksietempo van twee skofte van 12 uur elk per dag, is nou verminder is na twee skofte van net 7,5 uur elk.Niipare het bevestig dat ’n bedrag van N$209 miljoen tydens die laaste betalingsronde aan Salini verskuldig was, waarvan die regering net N$127 miljoen kon betaal.Republikein het intussen op goeie gesag verneem dat dié dam die land uiteindelik digby N$5 miljard gaan kos. Volgens ’n ingeligte bron gaan die dam, wat veronderstel is om teen Desember voltooi te wees, Namibië uiteindelik N$4,8 miljard kos. ’n Groot rede hiervoor is die boetes wat die regering ingevolge die konstruksiereëls moet opdok.Niipare het op ’n vraag hieroor erken dat die boetes “miljoene” Namibiese dollar beloop.Mnr. Calle Schlettwein, minister van finansies, het gister erken daar is ’n vertraging in die betaling aan Salini en gesê reusebedrae is nog uitstaande.“Die regering het reeds N$3,4 miljard betaal en daar is steeds reusebedrae uitstaande. Ons is nou in gesprek met Knight Piesold, die ingenieurskonsultante op die projek, oor die kwessie. Ons probeer vasstel wat die presiese bedrae is wat nog verskuldig is.”Volgens hom is die projek uit die staanspoor “baie swak bestuur”.“Ons probeer nou die gapings vul en die bestuur daarvan regruk. Die hele bestuursbenadering tot hierdie omvangryke projek laat veel te wense oor,” het Schlettwein gesê.

Dorstige Neckartal kós belastingbetaler

Kommentaar

Republikein 2025-12-25

Meld asseblief aan om kommentaar te lewer

Dorstige Neckartal kós belastingbetaler

Kommentaar

Republikein 2025-12-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.