Dooievlei se boomklimmers gesoek

Ellanie Smit – Die ministerie van die omgewing, bosbou en toerisme ondersoek die moontlikheid om sekere toeriste uit die Namib-Naukluft Nasionale Park te verban, nadat foto’s in die sosiale media versprei is waar hulle in die 900 jaar oue bome in Dooievlei sit.Die woordvoerder van die ministerie, mnr. Romeo Muyunda, het dit bevestig en gesê sou die betrokke toeriste geïdentifiseer word, sou hulle uit die park verban kan word.Namibiërs het met woede gereageer toe die foto’s op die Instagram-rekeninge van Chris Leyshon (@leyshonadventuresandtravels) en ’n sekere @the_dreamcollector geplaas is.Nadat kommentaar oor die foto’s begin instroom het, het Leyshon die foto verwyder, terwyl die ander rekening op privaat gestel is.Muyunda sê die ministerie het egter kennis van die ontstellende foto’s geneem waarin toeriste in die bome in Dooievlei klim.“Die ministerie veroordeel hierdie optrede, wat glad nie toegelaat word nie.”Hy het daarop gewys daar is duidelike aanwysings dat daar nie aan die bome gevat of daaraan gehang of geklim mag word nie en dit ’n oortreding van die park se reëls en regulasies is. Dis om te verseker die bome word nie beskadig nie.“Die ministerie het ook met ’n proses begin om diegene te identifiseer wat hierby betrokke was en probeer ook vasstel of hulle ’n toergids gehad het.”GEEN HOMMELTUIE TOEGELAATMuyunda het ook beklemtoon dat die vlieg van hommeltuie nie oor nasionale parke en in veral Dooievlei toegelaat word nie.Volgens hom het die ministerie ’n toename in toeriste opgemerk wat reëls in nasionale parke oortree.Die eienaar en stigter van Namibia Travel and Tourism Forum, mnr. Nrupesh Soni, sê hy het meer as 40 foto’s, sommige van plaaslike toeriste, die afgelope 12 maande gevind wat in die bome in Dooievlei geklim het.“Dit beteken meer as 100 toeriste doen dit elke jaar. Ek het aan die ministerie geskryf om dit dringend te ondersoek, maar nou moet ons bewusmaking hieroor skep sodat toeriste weet dis onwettig. Die laaste ding wat ons wil hê, is ’n draadheining rondom die bome om dit te beskerm,” het hy gesê.Die ou kameeldoringbome in Dooievlei naby Sossusvlei is na bewering sowat 900 jaar oud en is dood omdat daar nie water oor was om op te oorleef nie. Dis een van Namibië se grootste toeristeaantreklikhede.– republikein@republikein.com.na

Dooievlei se boomklimmers gesoek

Kommentaar

Republikein 2025-04-30

Meld asseblief aan om kommentaar te lewer

Dooievlei se boomklimmers gesoek

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie