Doodspeletjie eis talle tieners

Blue Whale, ’n selfmoorduitdaging of “doodsgroep” vir tieners het etlike jare gelede in Rusland begin. Anonieme organiseerders in die groep moedig deelnemers aan om hul eie lewe te neem nadat hulle spesifieke take afgehandel het.Burgerlike groepe in Rusland glo dat minstens 130 jong mense al hul lewe geneem het terwyl hulle Blue Whale gespeel het, berig Sky News. Noodlottige gevalle wat met Blue Whale verband hou, is ook die afgelope maande in die Oekraïne, Estland, Kenia, Brasilië en Argentinië aangemeld.Die naam Blue Whale kom moontlik van ’n liedjie deur die Russiese rockgroep Lumen. Hulle sing van ’n “groot blouwalvis” wat nie “die net kan oopskeur nie”.“Hoekom skree / as niemand hoor / waaroor ons praat nie?”Kampvegters vir die jeug se veiligheid sê dat duisende jong Russe reeds probeer het om aan die uitdaging deel te neem.Oleg Kapaef, ’n eerstejaarstudent, het aan Sky News gesê hy het Blue Whale begin speel omdat hy nuuskierig en verveeld was.“Ek was eers skepties daaroor. Ek kon nie glo dat mense hulself kan doodmaak deur aan die uitdaging deel te neem nie.”Kapaef sê hy het ’n paar dae lank aanlyn na ’n Blue Whale-groep gesoek.“Daar was ’n skakel na die webtuiste, ek het geregistreer en toe vir opdragte begin wag. Ek het instruksies ontvang soos ‘sê vir my hoe jy wil doodgaan’ en ‘kyk heelnag na gruwelflieks’.”‘Zombie’Die take het mettertyd meer grotesk geword en Oleg is gevra om patrone in sy vel in te sny wat “die pad na die einde” simboliseer. Hy het gedoen wat van hom gevra is, en ’n foto van sy bebloede arm as bewys aanlyn geplaas.Kapaef sê dat sielkundige manipulasie gebruik word en dat hy later “soos ’n zombie” gevoel het.Uiteindelik het die uitgeputte en gedisoriënteerde student die opdrag gekry om by ’n 20-verdieping-gebou in Moskou af te spring.“Ek het nie gevoel asof ek myself wou doodmaak nie, maar ek wou die taak voltooi. Ek het net een gedagte in my kop gehad: Dat ek hierdie taak moet voltooi.”Sy ouers het betyds ingegryp toe hulle sien dat hy ’n vliegtuigkaartjie na Moskou gekoop het en op selfmoordverwante plasings op sosiale media afgekom het. Die polisie kon hom opspoor voordat hy gespring het.Die uitdagingSpelers word aan ’n “meester” onderwerp wat hulle 50 dae lank beheer. Op die 50ste dag gee hy die opdrag dat die speler sy of haar eie lewe moet neem, berig The Daily Mail.Paniek oor Blue Whale het in Februarie vanjaar opgevlam toe Julia Konstantinowa (15) en Veronika Volkowa (16), twee Russiese tieners, van ’n gebou gespring en hulle doodgeval het.Philipp Boedeikin (21) van Rusland wat daarvan verdink word dat hy 16 skoolmeisies aangemoedig het om hul eie lewe te neem, sê hy dink aan sy slagoffers as “biologiese afval” en dat hulle “tevrede” was om dood te gaan terwyl hy die samelewing “reinig”. – Netwerk24

Doodspeletjie eis talle tieners

Kommentaar

Republikein 2025-12-22

Meld asseblief aan om kommentaar te lewer

Doodspeletjie eis talle tieners

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.