Donker Kersfees oor geen BTW-terugbetalings

Catherine Sasman - Kleinhandelaars in Namibië sê die nie-betaling van BTW-terugbetalings deur die Suid-Afrikaanse Inkomstediens (SAID) sal waarskynlik sommige eienaars en maatskappye "minstens" na aan bankrotskap bring en 'n ellendige Kersfees vir hulle tot gevolg hê.Mnr. Alister Slamat, BTW-terugbetalingsadministrateur vir die SAID in Namibië, het verlede week besighede "aangemoedig” om nie enige betalings vir hierdie jaar te verwag nie, met die kanse wat “skraal tot nul is” dat die SAID enige van die eise voor die einde van die jaar sal verwerk.Die administrateur se kantoor in Namibië is van 15 Desember tot 2 Januarie gesluit.Slamat het egter verskoning gevra deur te sê sy kantoor is deeglik bewus van die agterstallige betaling van eise vir vanjaar. Hy het dit toegeskryf aan die feit dat doeane-dokumentasie verkeerd voltooi is.Hy verwys spesifiek na die SAD500-uitvoerderdokument.Dié soort eis, wat deur die SAID se mnr. Sandile Ntoyi in Pretoria bevestig is, word betwis deur handelaars wat gesê het nie almal kon dieselfde fout begaan het nie, aangesien die SAID sedert Maart, of vroeg in Januarie, geen BTW-terugbetalings uitbetaal het nie.Slamat het herhaal sy kantoor het eise aan die SAID vir betaling gestuur en gewag dat dit gefinaliseer word."Tans is ons nie in staat om aan te dui wanneer hierdie eise uitbetaal sal word nie, maar ons is verseker daarvan dat hulle daaraan werk om die agterstande so ver terug as Maart in te haal," het Slamat aan handelaars geskryf.Volgens die SARS se webwerf moet BTW-terugbetalings binne 21 werksdae betaal word nadat korrek ingevulde dokumente ontvang is.Die webwerf sê indien die terugbetaling nie binne die vereiste 21 werksdae gedoen word nie, rente op die terugbetaalbare bedrag teen die voorgeskrewe koers betaal moet word. Die SAID het handelaars egter ingelig dat hulle nie rente op die vertraagde terugbetalings sal kry nie, wat hul frustrasie verder vererger.Die Suid-Afrikaanse media het verlede Donderdag berig 'n verslag van die kantoor van die Belastingombudsman, regter Bernard Ngoepe, het bevind die SAID het tussen Oktober 2016 en Maart 2017 meer as N$25 miljard in BTW-terugbetalings weerhou.Daar is ook berig belastingbetalers het gekla dat die SAID "twyfelagtige taktiek" gebruik het om terugbetalings te vertraag of te verhoed.Nampa/Reuters het verlede week berig die SAID was bekommerd oor die feit dat belastingaanspreeklikheid gerapporteer is weens groeiende ongelukkigheid met die regering.Die SAID het aangedui uit die 6,4 miljoen belastingbetalers slegs 4,8 miljoen belastingopgawes ingedien het.Dit beteken belastinginkomste vir die 2017-’18 finansiële jaar het onderpresteer met N$50,8 miljard - die grootste bedrag sedert die 2009-resessie.

Donker Kersfees oor geen BTW-terugbetalings

Kommentaar

Republikein 2025-05-02

Meld asseblief aan om kommentaar te lewer

Donker Kersfees oor geen BTW-terugbetalings

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie