Doen weg met plastieksakke vir omgewing
'n Nuwe inisiatief is daarop gemik om tot 'n verbod op die gebruik van plastieksakke te lei.
'n Veldtog vir 'n plastiekvrye omgewing in Namibië is op 9 Maart by die Namibiese Wetenskaplike Vereniging (NWV) van stapel gestuur.
Volgens 'n verklaring deur die NWV is die gebruik van plastieksakke algemeen in Namibië omdat dit goedkoop, maklik toeganklik en redelik gerieflik is.
Tog het dit 'n impak op die omgewing, landbou, die seelewe, lewende hawe en wild.
Die idee vir 'n plastiekvrye omgewingsveldtog spruit uit 'n waarneming in Augustus verlede jaar toe 'n trop beeste in die verre noordelike gebied gesien is waar hulle plastieksakke vreet.
Die probleem sal volgens die NWV waarskynlik toeneem vanweë 'n drastiese verandering in die klimaat.
“Vanweë die droogte is dit selfs van groter kritieke belang vir Namibië om maatreëls te implementeer ten einde die veiligheid van diere te verseker en afval te verminder.
“Die grootste impak van onbehoorlike storting kan in die oseane gesien word waar dit 95% van alle afval verteenwoordig. Daarom het die Verenigde Nasies se Omgewingsprogram (UNEP) vir 'n globale verbod op plastieksakke gevra, in die besonder om mariene besoedeling te voorkom.
“Al verskyn woorde soos 'verminder, hergebruik en hersirkuleer' op plastieksakke, word die meeste platieksakke onbehoorlik ná slegs eenmalige gebruik weggegooi.
“Navorsing dui daarop dat plastieksakke tot 1 000 jaar in die omgewing aanwesig kan wees en slegs daarna afgebreek word,” lui die verklaring van die NWV.
Die veldtog is 'n inisiatief wat in vennootskap met die Namibiese Kamer van die Omgewing (NCE) en entoesiastiese omgewingsgesindes van stapel gestuur is. Dit sluit onder andere in die voorsitter van die parlementêre portefeuljekomitee belas met die bestuur van natuurlike hulpbronne, me. Sophia Swartz; een van Namibië se gewilde musiekgroepe, PDK; Mej. Aarde Namibië 2016, Elize Shakalela, en die vermaaklikheidskunstenaar The Dogg, wat die veldtog se gesig vir bewusmaking sal wees.
Die veldtog is daarop gemik om die gebruik van plastieksakke te ontmoedig deur die ontwikkeling van opvoedkundige strategieë en bespreking oor die instelling van wetgewing oor 'n plastiekvrye omgewing te stimuleer.
Wenke sluit in: Die hergebruik van plastieksakke, die vervanging van plastieksakke in asdromme met seilsakke en om 'n seilsak te alle tye byderhand te hê, hetsy in 'n handsak of motorkattebak of op kantoor.
Mense word ook aangeraai om hul vriende aan te moedig om eerder seil- as plastieksakke te gebruik.
Met die veldtog wil voorspraak gemaak word vir 'n verbod op plastieksakke soos deur UNEP aan die hand gedoen is, asook die implementering van die doelwitte vir volhoubare ontwikkeling naamlik nommer 6 (wat oor skoon water handel); nommer 13 (klimaataksie), nommer 14 (lewe onder die water) en 15 (lewe op land).
Die veldtog is in pas met die beginsels van die Afrika-unie se “Agenda 2063 - vir die Afrika wat ons wil hê”. Hierin word gesê dat Afrika met dringendheid moet optree om kwessies wat klimaatsverandering en sake wat die omgewing beïnvloed die hoof te bied.
Voorts ondersteun die veldtog ook Namibië se eie bewaringsbeginsels soos vervat in artikel 95 (1) van die Grondwet; die wet op omgewingsbestuur; die waterwet; die natuurbewaringsordonnansie; Namibië se beleid op klimaatverandering en die Harambee-voorspoedplan, sê die NWV.
Volgens 'n verklaring deur die NWV is die gebruik van plastieksakke algemeen in Namibië omdat dit goedkoop, maklik toeganklik en redelik gerieflik is.
Tog het dit 'n impak op die omgewing, landbou, die seelewe, lewende hawe en wild.
Die idee vir 'n plastiekvrye omgewingsveldtog spruit uit 'n waarneming in Augustus verlede jaar toe 'n trop beeste in die verre noordelike gebied gesien is waar hulle plastieksakke vreet.
Die probleem sal volgens die NWV waarskynlik toeneem vanweë 'n drastiese verandering in die klimaat.
“Vanweë die droogte is dit selfs van groter kritieke belang vir Namibië om maatreëls te implementeer ten einde die veiligheid van diere te verseker en afval te verminder.
“Die grootste impak van onbehoorlike storting kan in die oseane gesien word waar dit 95% van alle afval verteenwoordig. Daarom het die Verenigde Nasies se Omgewingsprogram (UNEP) vir 'n globale verbod op plastieksakke gevra, in die besonder om mariene besoedeling te voorkom.
“Al verskyn woorde soos 'verminder, hergebruik en hersirkuleer' op plastieksakke, word die meeste platieksakke onbehoorlik ná slegs eenmalige gebruik weggegooi.
“Navorsing dui daarop dat plastieksakke tot 1 000 jaar in die omgewing aanwesig kan wees en slegs daarna afgebreek word,” lui die verklaring van die NWV.
Die veldtog is 'n inisiatief wat in vennootskap met die Namibiese Kamer van die Omgewing (NCE) en entoesiastiese omgewingsgesindes van stapel gestuur is. Dit sluit onder andere in die voorsitter van die parlementêre portefeuljekomitee belas met die bestuur van natuurlike hulpbronne, me. Sophia Swartz; een van Namibië se gewilde musiekgroepe, PDK; Mej. Aarde Namibië 2016, Elize Shakalela, en die vermaaklikheidskunstenaar The Dogg, wat die veldtog se gesig vir bewusmaking sal wees.
Die veldtog is daarop gemik om die gebruik van plastieksakke te ontmoedig deur die ontwikkeling van opvoedkundige strategieë en bespreking oor die instelling van wetgewing oor 'n plastiekvrye omgewing te stimuleer.
Wenke sluit in: Die hergebruik van plastieksakke, die vervanging van plastieksakke in asdromme met seilsakke en om 'n seilsak te alle tye byderhand te hê, hetsy in 'n handsak of motorkattebak of op kantoor.
Mense word ook aangeraai om hul vriende aan te moedig om eerder seil- as plastieksakke te gebruik.
Met die veldtog wil voorspraak gemaak word vir 'n verbod op plastieksakke soos deur UNEP aan die hand gedoen is, asook die implementering van die doelwitte vir volhoubare ontwikkeling naamlik nommer 6 (wat oor skoon water handel); nommer 13 (klimaataksie), nommer 14 (lewe onder die water) en 15 (lewe op land).
Die veldtog is in pas met die beginsels van die Afrika-unie se “Agenda 2063 - vir die Afrika wat ons wil hê”. Hierin word gesê dat Afrika met dringendheid moet optree om kwessies wat klimaatsverandering en sake wat die omgewing beïnvloed die hoof te bied.
Voorts ondersteun die veldtog ook Namibië se eie bewaringsbeginsels soos vervat in artikel 95 (1) van die Grondwet; die wet op omgewingsbestuur; die waterwet; die natuurbewaringsordonnansie; Namibië se beleid op klimaatverandering en die Harambee-voorspoedplan, sê die NWV.
Kommentaar
Republikein
Geen kommentaar is op hierdie artikel gelaat nie