Doen nou aansoek vir plek in skole in 2020

Aansoeke het geopen vir die plasing van 2020 se graad 1’s in skole.
Die ministerie van onderwys, kuns en kultuur benadruk in ‘n verklaring dit is verpligtend vir kinders om met graad 1 te begin aan die begin van die jaar waarin hulle sewe word.
Net kinders wat voor of teen 31 Desember 2019 vyf jaar oud geword het, mag volgende jaar met pre-primêre onderrig begin.
Ouers moet die aansoekvorms afhaal by die skole waarheen hulle hul kinders wil stuur.
Kinders wat reeds in ‘n skool is, sal nie toegelaat word om na ‘n ander skool toe te skuif indien die graad waarin hulle volgende jaar is, by daardie skool aangebied word nie. Net in gevalle waar ouers verplaas word, sal toestemming verleen word.
Skole moet teen 26 Julie vir ouers laat weet of hulle kinders geplaas kon word. Indien kinders nie plek gekry het nie, moet ouers die ministerie se streekskantoor besoek.

Foto ter illustrasie: Nampa