Dobby sterk goed aan

Tanja Bause - Hy is uitgeteer en verwaarloos in Hochlandpark deur ’n barmhartige samaritaan gevind en na die Dierebeskermingsvereniging (DBV) geneem. Sedertdien het die apporteurhond (Golden Retriever) Dobby reeds 1,5 kilogram swaarder geword. Dobby is tussen drie en ses jaar oud en weens wanvoeding het sy spiere so verswak dat hy met sy aankoms by die DBV nie kon loop nie. Die spiere in sy agterpote het intussen in so ’n mate versterk, dat hy nou net wil hardloop en spring. “Dobby is besig om baie goed te herstel en is by die die dag meer beweeglik en lewendiger,” het me. Sylvia Breitenstein van die DBV gesê. Volgens haar het die vrou wat Dobby gevind het, die gebeure op Facebook geplaas en haar vriende gevra om vir hom kos by die DBV se kantore af te gee. “Ons het reeds ses sakke hondekos ontvang en selfs ’n skenking vir sy mediese onkoste uit Swakopmund gekry. Die mense se reaksie is wonderlik,” het Breitenstein gesê. Volgens nog ’n werknemer by die DBV, mnr. Bernhard Noariseb, lyk Dobby “baie goed en steek sy bene nie meer so uit nie”.Intussen het Breitenstein ’n beroep op mense gedoen om nie troeteldiere aan te skaf as hulle nie vir die diere kan sorg nie.“Veral groot honde benodig baie kos. As mense dit nie kan bekostig nie, moet hulle liewer nie ’n troeteldier aanskaf nie.” Eienaars van troeteldiere word ook aangemoedig om diere te laat steriliseer om ongewenste dragtigheid te voorkom.

Dobby sterk goed aan

Kommentaar

Republikein 2025-05-05

Meld asseblief aan om kommentaar te lewer

Dobby sterk goed aan

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie