Divan dra 15 vir Leeus teen Stormers

Christo Buchner – Die Namibiër Divan Rossouw is een van vier spelers wat die eerste keer in ’n Leeus-trui gesien word vir Saterdag se eerste rugbywedstryd in Suid-Afrika sedert Maart.Rossouw (heelagter), Burger Odendaal (senter) en Jaco Visagie (haker) is die voormalige Blou Bulle wat sedertdien aanwinste vir die Leeus geword het, wat op Loftus Versfeld die Stormers in die “Superfan”-dag aandurf.Die oud-Cheetah-vleuel Sibahle (Rabz) Maxwane is die vierde speler. Hy het op sy dag vir Tukkies in die Varsitybeker-reeks uitgedraf.Twee van die troepe wat Johan Ackermann na Gloucester gevolg het toe dié voorslag-afrigter van die Leeus enkele jare gelede na Engeland getrek het, is terug in die Leeus se beginspan.Jaco Kriel is as flank ingesluit, terwyl Ruan Dreyer die vaskopstut is.Die Leeus-landskap het aansienlik verander sedert hul laaste wedstryd in Maart in die Superreeks teen die Blues in Auckland, toe hulle goed afgeransel is.Slegs ses spelers wat daardie dag in die beginspan was, sal nou teen die Stormers uitdraf.Hulle is die linkervleuel Courtnall Skosan, die skakelpaar, Elton Jantjies en André Warner, die agtsteman Hacjivah Dayimani, die slot Marvin Orie en die loskopstut Dylan Smith.Nadat hy meestal in die wedstryde vroeër vanjaar oor die hoof gesien is, is daar op buitesenter plek vir Wandisile Similane. Hy en Odendaal, die vorige Bulle-kaptein, vorm ’n nuwe kombinasie.Vincent Tshituka, wat vroeg in die Superreeks beseer is, is ook weer fiks en speel die eerste keer saam met Kriel as die flankpaar.Die Springbok-losvoorspeler Willem Alberts is beseer en nie oorweeg nie, terwyl nog ’n aanwins van die Bulle, die vaskopstut Wiehahn Herbst, ook nie fiks genoeg is nie. Dieselfde geld nog een van die lang lys oud-Bulle, die losvoorspeler Roelof Smit.Van die Bok-stut Jannie du Plessis is daar ook geen teken in die groep wat aangekondig is nie. Dit bly ’n raaisel dat hy vanjaar, nadat hy hom vanaf sy Franse klub by die Leeus aangesluit het, nog maar baie min speelkans gekry het. Op navraag of hy beskikbaar was vir Saterdag se wedstryd, het ’n woordvoerder van die Leeus geantwoord: “Ja, ek glo so.”Met Pieter Jansen, die gereelde haker vroeg in die seisoen wat intussen sy tasse vir Rusland gepak het, is Jan-Henning Campher nou die haker op die plaasvervangersbank.Campher het begin as haker in die laaste wedstryd teen die Blues, maar Visagie is nou bo hom verkies in die beginspan.• Leeus: Divan Rossouw, Sibahle Maxwane, Wandisile Similane, Burger Odendaal, Courtnall Skosan, Elton Jantjies (k), André Warner, Hacjivah Dayimani, Vincent Tshituka, Jaco Kriel, Marvin Orie, Ruben Schoeman, Ruan Dreyer, Jaco Visagie, Dylan Smith. Reserwes: Sti Sithole, Jan-Henning Campher, Carlu Sadie, Wilhelm van der Sluys, Reinhard Nothnagel, MJ Pelser, Franckle Horn, Len Massyn, Dillon Smit, Gianni Lombard, Stean Pienaar, Dan Kriel, Manuel Rass, Jamba Ulengo, EW Viljoen.– Netwerk24

Divan dra 15 vir Leeus teen Stormers

Kommentaar

Republikein 2025-12-16

Meld asseblief aan om kommentaar te lewer

Divan dra 15 vir Leeus teen Stormers

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.