Dis Lindt teen Hershey in sjokolade-oorlog
Ná jare van stagnasie is die sjokolademark in die VSA weer aan die groei en het Lindt se verkope daar met 4% in die eerste helfte van sy boekjaar gestyg.
Die Switserse sjokoladevervaardiger Lindt & Sprüngli gaan $200 miljoen in die VSA belê waar hy die plaaslike sjokoladereuse Mars en Hershey probeer troef.
Die vervaardiger van Lindor-sjokoladeballetjies gaan oor die volgende vier jaar ’n aanleg in Stratham, New Hampshire, uitbrei.
Dit sluit die bou van hoëtegnologie-produksiebane vir premium sjokolade in, het die maatskappy Dinsdag gesê.
Die aanleg sal hierna met aansienlik meer ruimte vir produksie, berging en verspreiding spog.
Ná jare van stagnasie is die sjokolademark in die VSA weer aan die groei en Lindt se verkope hier het met 4% in die eerste helfte van sy boekjaar gestyg.
Hy het ook heelwat meer uitstalruimte in winkels geneem om sy Lindor en Excellence-handelsmerke te adverteer.
Lindt & Sprüngli is die derde grootste sjokoladevervaardiger in die VSA nadat hy in 2014 ’n Amerikaanse lekkergoedvervaardiger, Russel Stover, gekoop het.
Dié aankoop het verkope in die jare daarna gedemp terwyl Lindt minder winsgewende produkte uit produksie geneem het.
Die Amerikaanse sjokolademark is ’n uitdagende een vir maatskappye soos byvoorbeeld Nestlé, wat sy bedrywighede aan Ferrero verkoop het.
Lindt sê egter hy is op koers om sy teiken van 5% organiese groei vanjaar te bereik en dat sy wins in die eerste helfte van die huidige boekjaar met 12% gestyg het – in ooreenstemming met ontleders se verwagtings. – Bloomberg/Netwerk24
Die vervaardiger van Lindor-sjokoladeballetjies gaan oor die volgende vier jaar ’n aanleg in Stratham, New Hampshire, uitbrei.
Dit sluit die bou van hoëtegnologie-produksiebane vir premium sjokolade in, het die maatskappy Dinsdag gesê.
Die aanleg sal hierna met aansienlik meer ruimte vir produksie, berging en verspreiding spog.
Ná jare van stagnasie is die sjokolademark in die VSA weer aan die groei en Lindt se verkope hier het met 4% in die eerste helfte van sy boekjaar gestyg.
Hy het ook heelwat meer uitstalruimte in winkels geneem om sy Lindor en Excellence-handelsmerke te adverteer.
Lindt & Sprüngli is die derde grootste sjokoladevervaardiger in die VSA nadat hy in 2014 ’n Amerikaanse lekkergoedvervaardiger, Russel Stover, gekoop het.
Dié aankoop het verkope in die jare daarna gedemp terwyl Lindt minder winsgewende produkte uit produksie geneem het.
Die Amerikaanse sjokolademark is ’n uitdagende een vir maatskappye soos byvoorbeeld Nestlé, wat sy bedrywighede aan Ferrero verkoop het.
Lindt sê egter hy is op koers om sy teiken van 5% organiese groei vanjaar te bereik en dat sy wins in die eerste helfte van die huidige boekjaar met 12% gestyg het – in ooreenstemming met ontleders se verwagtings. – Bloomberg/Netwerk24
Kommentaar
Republikein
Geen kommentaar is op hierdie artikel gelaat nie