Dippenaar-saak: Landdros ontken partydigheid

Moordverhoor hervat ná meer as 8 maande

03 June 2020 | Howe
Erwin Leuschner op Swakopmund – Ná ‘n uitstel van meer as agt maande het die marathon-verhoor van mnr. Jandré Dippenaar vandeesweek in die streekshof op Swakopmund hervat.

Hy staan tereg op moord nadat ses mense gesterf het in ‘n grubotsing op 29 Desember 2014 op die kuspad na Hentiesbaai wat na bewering deur hom veroorsaak is.

Met die aanvang van die verrigtinge Maandag het Dippenaar se regspan onder leiding van adv. Louis Botes ‘n aansoek ingedien dat landdros Gaynor Poulton haar van die saak verskoon aangesien sy nie onpartydig is nie. Dit is gister van die hand gewys.

Die aansoek spruit uit die gebeure in die hof op 18 September verlede jaar toe die staatsaanklaer, me. Ethel Ndlovu, versoek het die deskundige getuie oor ongeluksrekonstruksies, mnr. Johan Joubert, moet teruggeroep word om te getuig.

Poulton het haar in haar beslissing oor die kwessie weerspreek en gesê: “Dit is inderdaad so dat vir die hof om ‘n regverdige vonnis te lewer, moet die aansoek toegestaan word.” In haar geskrewe uitspraak het sy egter die woorde “regverdige beslissing” gebruik.

Botes het aangevoer niemand gebruik die woorde “regverdige vonnis” op enige gegewe tyd gedurende ‘n verhoor nie. “Daar is ‘n groot verskil tussen die twee woorde. Deur die woord ‘vonnis’ te gebruik, word die indruk by die beskuldigde gewek die hof het reeds oor sy bevinding besluit en dit maak inbreuk op sy reg op ‘n vry en regverdige verhoor,” het Botes betoog.

Hy het bygevoeg sy kliënt “voel toenemend ongemaklik” aangesien sy regspan nie al hul vrae tydens vorige kruisondervragingsessies kon vrae nie.

Ndlovu het gesê daar is geen getuienis om die argument oor die vrae tydens kruisverhoor te staaf nie en dit is bloot ‘n veralgemening. Oor die gebruik van die woord “vonnis” pleks van “beslissing”, het sy gesê daar “is geen redelike bewys van vooroordeel deur net na hierdie twee woorde te kyk nie”.

Sy het verder aangevoer die verdediging het sowat nege maande tyd gehad om die aansoek in te dien, maar het dit nou eers gedoen.

Poulton het in haar uitspraak die aansoek beskryf as “ongegrond, onredelike en nie objektief regverdigbaar nie” en het dit van die hand gewys.

“Sedert die verhoor op 24 Januarie 2017 begin het, het 20 getuies reeds getuig en honderde ure is hieraan bestee. Daar was nooit enige aanduidings dat die hof partydig is nie,” het sy gesê en bygevoeg om die aansoek toe te staan, sal die afhandeling van die saak vertraag. Sy het die gebruik van die twee woorde as ‘n “tongglips” beskryf en gesê dit is eers vandeesweek onder haar aandag gebring.

Volgens haar kan nie vanuit ‘n redelike beskouing hieruit afgelei word dat die hof partydig is nie.

Dippenaar is die eerste mens in Namibië wat ná ‘n motorongeluk van moord aangekla word. Die mense wat op dié noodlottige dag gesterf het, is Jan-Carel Horn, Dinah Pretorius en Charlene Schoombee wat saam met hom in die voertuig was, en drie Duitse burgers op vakansie wat in die ander voertuig onderweg was. Net Dippenaar en Antonia Joschko, wat toe 16 jaar oud was, het oorleef. Dié jong Duitse vrou het beide haar ouers, Markus Walter Helmut Joschko en Stephanie Schermuck-Joschko, en haar suster, Alexandra Marlene Joschko, verloor.
[email protected]

Soortgelyk

 

Vandag se Covid-19-data

3 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

4 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

9 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

20 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

20 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

20 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

20 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

20 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

20 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...