Dippenaar: Polisie was ‘slordig’
Erwin Leuschner – Die moordbeskuldigde mnr. Jandré Dippenaar se advokaat, mnr. Louis Botes, het me. Paula Havenga, die ondersoekbeampte in die saak, verlede week van slordige polisiewerk beskuldig.
“U het geen ordentlike ondersoek gedoen nie,” het hy in Swakopmund se streekhof gesê.
Havenga is verlede week deur die staatsprokureur me. Faith Chipepera-Nyaungwa ondervra en is Donderdag gekruisondervra.
Botes het verskeie ongerymdhede in die ondersoek uitgewys, en veral op Havenga se verklaring gefokus, wat glo 6 Mei 2015 gedateer is.
“Hoe is dit moontlik as die ongeluk reeds vyf maande voor dié datum plaasgevind het?” het hy gevra.
Havenga het gesê haar verklaring is op die dag van die ongeluk deur ’n tikster opgestel, wat die verkeerde datum op die dokument aangebring het.
Sy het tydens haar ondervraging ook gesê sy het 12 foto’s van die ongelukstoneel in haar ongeluksverslag opgeneem – 10 wat sy self geneem het en twee wat deur ooggetuies aan haar verskaf is.
Sy het egter skriftelik verklaar sy het al 12 foto’s self geneem.
“Dit was ’n menslike fout,” het sy onder kruisverhoor gesê.
“U het geen ordentlike ondersoek gedoen nie,” het hy in Swakopmund se streekhof gesê.
Havenga is verlede week deur die staatsprokureur me. Faith Chipepera-Nyaungwa ondervra en is Donderdag gekruisondervra.
Botes het verskeie ongerymdhede in die ondersoek uitgewys, en veral op Havenga se verklaring gefokus, wat glo 6 Mei 2015 gedateer is.
“Hoe is dit moontlik as die ongeluk reeds vyf maande voor dié datum plaasgevind het?” het hy gevra.
Havenga het gesê haar verklaring is op die dag van die ongeluk deur ’n tikster opgestel, wat die verkeerde datum op die dokument aangebring het.
Sy het tydens haar ondervraging ook gesê sy het 12 foto’s van die ongelukstoneel in haar ongeluksverslag opgeneem – 10 wat sy self geneem het en twee wat deur ooggetuies aan haar verskaf is.
Sy het egter skriftelik verklaar sy het al 12 foto’s self geneem.
“Dit was ’n menslike fout,” het sy onder kruisverhoor gesê.
Kommentaar
Republikein
Geen kommentaar is op hierdie artikel gelaat nie