Dinsdag gaan nooit weer dieselfde wees nie

07 September 2018 | Kuns en vermaak
kykNET-kykers weet teen hierdie tyd dat die dramagleuf op ’n Dinsdagaand nooit teleurstel nie en met die nuwe reeks, Spoorloos, wat op 9 Oktober begin, gaan dit ook nie anders wees nie.

Die storie speel op die dorpie Digtersdal in die Oos-Kaap af. Dis ’n spookdorp op soek na genesing en herlewing, maar ná 13 jaar se onopgelosde raaisels keer die reeksmoordenaar van destyds skielik terug. Om hom op te spoor, moet ’n speurder en joernalis al die ou wonde oopkrap. Terselfdertyd is daar ook drie kinders van die dorp wat die monster probeer vastrek, en familie-intriges soos daar net op ’n klein dorpie kan wees.

Agtergrond:

Die dorp Digtersdal in die Oos-Kaap is 13 jaar gelede deur ’n reeksmoordenaar geterroriseer, wat seuns van 5 tot 15 jaar oud geteiken het. Die moorde het skielik opgehou, maar die moordenaar is nooit vasgetrek nie. Die dorp was geknak. Die wonde het jare gevat om rowe te vorm en is nog lank nie genees nie. Werner Malan se planne vir die ontwikkeling van Digtersdal tot ’n vakansieparadys het doodgeloop en hy het ‘n fortuin verloor. Die bouwerk vir ’n toeristeoord wat met die Sonstad sou kompeteer, is gestop en die ingangspoort wat opgerig is, staan verbleik soos ’n reusegrafsteen ter herinnering aan die tragedie wat die dorp oorval het.

Nou, 13 jaar later, is die dorp onder Werner se stukrag vasberade om die spoke van die verlede te besweer. ’n Fees is in die lewe geroep – die Fakkelfees – waartydens besoekers aangemoedig gaan word om in die nuwe tyddeelontwikkeling te belê.

In die rolverdeling is ’n paar veteraanspelers, asook nuwe gesigte. Die reeks is op Cradock in die Karoo geskiet en die dorp en sy mense dien as agtergrond vir dié nuwe reeks.

Deon Coetzee is te sien as Werner Malan, ’n sakeman, politikus en boer. Hy is getroud met Angelique (Catriona Andrew) wat uit ’n ryk Engelse familie kom. Hul seun, Werner Jnr., wat almal Junior noem (Francois Jacobs), is getroud met Lara (Amalia Uys), ’n gekneusde engel wat op soek is na uitkoms uit haar versmorende huwelik. Lara het ’n 12-jarige seun, Jan-Gustav (Neil Slabbert).

Ian Vos (Ludwig Binge) werk by ’n advertensieagentskap in die stad. Hy was 17 jaar oud toe sy broer, Benjamin, deur die reeksmoordenaar vermoor is. Sy ma, Frieda (Wilmien Rossouw), woon nog op Digtersdal.

Adam Arendse (Zane Meas) is ’n politieke leier en aktivis en die pa van Keagan (Charl Fleurs), ’n slim seun, hoewel hy bietjie van ’n bangbroek is.

De Wet (Eric Bouwer) is ’n speurder van Johannesburg en Sonja Landman (Kim Lategan) is ’n TV-joernalis wat groot drome het om ’n ondersoekende joernalis te word. Gert Neethling (Lieb Bester) is die dronklap van die dorp en sy vrou, Magda (Elsabé Daneel), is iemand wat wys wat onvoorwaardelike liefde beteken.

Sibusiso Jele (Kagiso Rathebe) is De Wet se kollega en Lusanda Miya (Sibulele Gcilitshana) is kaptein en Deon Prinsloo (Ashley Taylor) is ’n siniese speurder by die plaaslike polisiestasie.

Ander karakters is Ds. Els (Morné Visser), die maplotter en dwelmhandelaar Piet “Pille” Taljaart (André Odendaal) en sy dogter Esti (Ineke van der Merwe), die waarnemende skoolhoof, Mnr. Immelman (Hannes van Wyk), Marie Fick (Lizz Meiring), die bestuurder van die plaaslike koerant en Fezile Grootboom (SK Sombokwe), Werner se voorman.

Die reeks is gegrond op Daddy Longlegs, ’n boek deur die Suid-Afrikaanse skrywer Vernon Baumann. Die draaiboek is deur Ilse van Hemert geskryf en sy was saam met André Odendaal die mederegisseur.

Soortgelyk

 

Vlieëniers vlieg ‘blind’

9 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

9 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

9 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

9 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

9 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

9 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

9 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

9 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...

Namibia committed to curbing abuse by 2022: Imalwa

9 ure gelede |

Prosecutor-general Martha Imalwa said the Namibian justice system is taking gender-based violence (GBV) cases seriously and aims to make huge progress against it by 2022.“By...