Namibia Dairies voer nou melk in
Die melkbedryf is tot só ‘n mate op sy knieë dat Namibia Dairies nou langlewemelk uit Suid-Afrika invoer.
Ronelle Rademeyer - Die handjie vol oorblywende melkprodusente in die land beplan om saam met Namibia Dairies en die minister van landbou, water en grondhervorming, mnr. Calle Schlettwein, ’n dinkskrum te hou en op dringende maatreëls te besluit wat dié bedryf kan red.
Namibia Dairies het die naweek aangekondig die nypende tekort aan roumelk in die land laat hom met geen ander keuse nie as om nou langlewemelk uit Suid-Afrika in te voer en onder sy handelsmerk te verkoop nie.
Me. Leonie Prinsloo, besturende direkteur van Namibia Dairies, sê dié suiwelverwerker kon in September net sowat 150 000 liter langlewemelk verpak. Om die aanleg vir die verpakking van langlewemelk met sy toerusting van nagenoeg N$30 miljoen kostedoeltreffend te benut, moet Namibia Dairies sowat 800 000 tot 900 000 liter melk per maand verpak, sê sy.
Namibiese produsente het in 2018 digby 24 miljoen liter melk aan Namibia Dairies gelewer. Mnr. Kokkie Adriaanse, voorsitter van die Suiwelprodusentevereniging, sê vanjaar het die produksie tot sowat 16 miljoen liter gedaal.
Dit is grootliks toe te skryf aan ‘n sterp toename in voerkoste, sê Adriaanse. “In 2018 het my voerkoste N$1,75 per liter melk beloop en hierdie jaar het dit gestyg na N$3,80 per liter,” sê hy.
‘n Voerskaarste het in die wintermaande geheers omdat die Hardapdam vroeër vanjaar só leeg was dat boere nie voergewasse kon plant en hul landerye besproei nie. Verder het Covid-19 en die drankverbod meegebring dat Namibia Breweries nie brouersgraan beskikbaar gehad het om aan produsente te lewer nie.
Prinsloo sê afgevaardigdes uit die bedryf het Vrydag met Schlettwein by Namibia Dairies se Aimab-superplaas buite Mariental vergader.
Volgens haar is besluit om oor twee weke ’n dinkskrum te hou oor maatreëls wat produsente in staat sal stel om koste te besnoei en meer melk te produseer.
“Dit is vir ons duidelik die regering wil ons help. Heffings op ingevoerde suiwelprodukte blyk nie die oplossing te wees nie, want dit plaas ‘n verdere las op verbruikers.
“Van die opsies is om te kyk na afslag op die water- en elektrisiteitstariewe van melkprodusente,” sê Prinsloo. - [email protected]
Namibia Dairies het die naweek aangekondig die nypende tekort aan roumelk in die land laat hom met geen ander keuse nie as om nou langlewemelk uit Suid-Afrika in te voer en onder sy handelsmerk te verkoop nie.
Me. Leonie Prinsloo, besturende direkteur van Namibia Dairies, sê dié suiwelverwerker kon in September net sowat 150 000 liter langlewemelk verpak. Om die aanleg vir die verpakking van langlewemelk met sy toerusting van nagenoeg N$30 miljoen kostedoeltreffend te benut, moet Namibia Dairies sowat 800 000 tot 900 000 liter melk per maand verpak, sê sy.
Namibiese produsente het in 2018 digby 24 miljoen liter melk aan Namibia Dairies gelewer. Mnr. Kokkie Adriaanse, voorsitter van die Suiwelprodusentevereniging, sê vanjaar het die produksie tot sowat 16 miljoen liter gedaal.
Dit is grootliks toe te skryf aan ‘n sterp toename in voerkoste, sê Adriaanse. “In 2018 het my voerkoste N$1,75 per liter melk beloop en hierdie jaar het dit gestyg na N$3,80 per liter,” sê hy.
‘n Voerskaarste het in die wintermaande geheers omdat die Hardapdam vroeër vanjaar só leeg was dat boere nie voergewasse kon plant en hul landerye besproei nie. Verder het Covid-19 en die drankverbod meegebring dat Namibia Breweries nie brouersgraan beskikbaar gehad het om aan produsente te lewer nie.
Prinsloo sê afgevaardigdes uit die bedryf het Vrydag met Schlettwein by Namibia Dairies se Aimab-superplaas buite Mariental vergader.
Volgens haar is besluit om oor twee weke ’n dinkskrum te hou oor maatreëls wat produsente in staat sal stel om koste te besnoei en meer melk te produseer.
“Dit is vir ons duidelik die regering wil ons help. Heffings op ingevoerde suiwelprodukte blyk nie die oplossing te wees nie, want dit plaas ‘n verdere las op verbruikers.
“Van die opsies is om te kyk na afslag op die water- en elektrisiteitstariewe van melkprodusente,” sê Prinsloo. - [email protected]
Kommentaar
Republikein
Geen kommentaar is op hierdie artikel gelaat nie