Digbundel ontlok emosies

Jeanette Diergaardt – Die sakevrou, akademikus, rekenmeester, ouditeur en ten einde laaste digter Magaret Bennett het onlangs haar tweede digbundel, RoepstemFlenters2, uitgegee.RoepstemFlenters2 is ‘n gebed aan God waar die digter se swakhede en hulpeloosheid as mens deurskemer, maar nogtans ‘n gebroke gebed aan die Skepper rig. Die gedigte is van lig en speels tot ernstig en nadenkend. Dit ontlok emosies van hartseer, blydskap en alles tussenin. Voor Margaret haar gedigte gepubliseer het, het sy met haarself en met God geworstel.“Ek vra vir die Here, wie op hierdie aarde sal ‘n gedig van Margaret Bennet wil lees? Toe sê Hy vir my, Ek lees dit.”Stilsit en niksdoen is glad nie deel van Margaret se geaardheid nie. Soos sy een projek klaarmaak, is sy al halfpad deur die volgende een.Margaret is tans besig met ‘n projek om inspirerende gedigte vir die boervrou bymekaar te maak. Die DigDagBoek sal volgens beplanning gedigte vir 365 dae bevat.Volgens Margaret lê die gemeenskap meer klem op die man wat boer en nie ook op die vrou wat agter die man staan nie. Daarom wil sy die gedigte aan vroue opdra. Digters wyd en syd kan gedigte inhandig wat die boervrou agter die boer kan inspireer. ‘n Maksimum van 12 gedigte per digter kan voor 30 Julie ingehandig word. Enige hulp met die publikasie van die DigDagBoek sal waardeer word.Vir meer inligting kan Margaret per e-pos by mydigdagboek@woordevlegsels.com bereik word en om RoepstemFlenters2 te koop, kan sy by 0811248937 gekontak word.Sy bied ook ‘n radioprogram, Woordevlegsels, aan en kan op Harklop FM op Sondae 12:00 en Donderdae 19:00 gehoor word.

Digbundel ontlok emosies

Kommentaar

Republikein 2026-06-11

Meld asseblief aan om kommentaar te lewer

Digbundel ontlok emosies

Kommentaar

Republikein 2026-06-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.