Diere, nagbestuur dodelik

Catherine Sasman – 'n Ontleding van padongelukke op van die nasionale paaie, dui daarop dat die B1 van Windhoek na Oshikango en die B2 van Windhoek na Swakopmund die gevaarlikste paaie in Namibië is.Die Nasionale Padveiligheidsraad (NRSC) het in samewerking met die Worcester Politegniese Instituut in Massachusetts, Amerika, gedurende 2013 tot 2015 navorsing oor padongelukke op dié hoofweë gedoen.’n Skokkende 40 000 padongelukke het in dié tydperk landwyd plaasgevind, waarvan 11 800 buite dorpe was. Sowat 2 800 ongelukke is by polisiekantore aangemeld en 790 het op die B1 en B2 plaasgevind. Die gevaarlikste deel van die B1 is die stuk tussen Tsumeb en Oshivelo, en die gevaarlikste deel van die B2 is tussen Swakopmund en Usakos.In 2013 en 2015 het die meeste ernstige ongelukke op die Arandis-Swakopmund-pad plaasgevind, asook op die pad tussen Tsumeb en Ondangwa.Verkeersvolumes op beide die B1 en die B2 was in dié tydperk druk en diere op die paaie het die meeste ongelukke (45%) veroorsaak, waarvan die meeste (67%) snags gebeur het.Blindekolle op die roetes is nog ’n gevaar, maar hoë spoed hou onder alle omstandighede ’n gevaar vir alle padverbruikers in.PRIORITEITEAdj.komm. Ralph Ludwig van die verkeerswettoepassingsafdeling van die Namibiese polisie, het verlede week gesê die belangrikste verkeersbedrywighede vind op die B1 plaas.Daar is tans 33 verkeerseenhede met 300 verkeersbeamptes. Die verkeersafdeling hoop om binne die volgende vyf jaar nog 11 eenhede by te voeg.Ludwig het ’n beroep op meer befondsing van die Paaieowerheid (RFA) gedoen om die afdeling se kapasiteit te verhoog, veral omdat Namibië ''n ondertekenaar van die Dekade van Aksie 2010-2020 is, wat daarop gemik is om ongelukke, sterftes en beserings op die land se paaie met 50% te verminder.Die teiken is ook in die vyfde Nasionale Ontwikkelingsplan (NDP5) geïnkorporeer met die doel om motorongelukke op ’n kwartaallikse basis met 10% te verminder en om verkeersbeamptes met 100 per jaar te vermeerder.Ludwig het gewaarsku dat ’n toename in padsterftes sal plaasvind as geld nie vir dié teikens beskikbaar gestel word nie en as die mikpunte nie bereik word nie.

Diere, nagbestuur dodelik

Kommentaar

Republikein 2025-07-16

Meld asseblief aan om kommentaar te lewer

Diere, nagbestuur dodelik

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie