Dienste in Otjiwarongo onder ‘ernstige druk’
Ongeveer 60% van Otjiwarongo se bevolking woon in informele nedersettings en die dorp vind dit moeilik om met sy beperkte inkomste dienste te lewer.
Ester Kamati op Otjiwarongo – ’n Deur-tot-deur opname wat deur die munisipaliteit uitgevoer is, het getoon ongeveer 22 500 individue woon tans in ongeveer 4 702 huishoudings in Otjiwarongo se informele nedersettings.
“As Otjiwarongo se bevolking in 2011, volgens die Namibiese Statistiekagentskap se sensus, op 28 000-plus gestaan het en jy neem die groeikoers van die afgelope tien jaar in ag (tussen 3.6 en 5 persent), beteken dit die dorp kan reeds meer as 40 000 inwoners hê,” sê die munisipaliteit se uitvoerende hoof, mnr. Moses Matyayi.
Die opname getoon uit hierdie geskatte bevolking van 40 000 woon minstens 22 500 in informele nedersetting. Dit beteken 60% van die bevolking kom nie vir munisipale dienste in aanmerking nie en dit ondermyn die munisipale inkomstestrome soos belasting.
“Vir die plaaslike owerheid is dit baie moeilik om ons mandaat op ’n doeltreffende manier af te handel," het Matyayi op ’n raadsvergadering verlede week gesê.
Matyayi het bygevoeg as ’n sentrale dorp en hoofstad van Otjozondjupa maak Otjiwarongo ongeveer 30% van die bevolking van die streek uit.
Sowat N$53 miljoen in munisipale dienste word sedert November 2020 aan die munisipaliteit geskuld. Hulle het probeer om die geld in te vorder deur konsultasie met die gemeenskap, sowel as promosiestrategieë soos afslag op skuldvereffening. Volgens Matyayi het dit bygedra om vanaf Februarie die uitstaande skuld tot ongeveer N$51 miljoen te verminder.
“Dit is geld wat ons eintlik moet gebruik of deur dienslewering in die gemeenskap moet terugploeg. Jy kan jou indink wat ’n groot verskil maak die N$53 miljoen wat daar buite rondlê.”
Volgens Matyayi is ’n strategie wel ontwikkel, maar dit is na sy mening nie so aggressief soos dit behoort te wees nie.
Hy beskryf die skuld as ’n belemmering vir behoorlike dienslewering in die stad.
TE MIN BELASTINGBETALERS
“Ons het skuld wat ons moet invorder, maar 60% van individue woon in die informele nedersetting en slegs sowat 30% van die stad betaal gereeld tariewe en belasting. Ons ontvang geen inkomste uit die informele nedersettings behalwe waterverkope nie. Dit wys jou reeds die druk op ons is te veel.”
Matyayi sê hulle konstant sukkel om vir alle inwoners voorsiening te maak.
“Ons is onder ernstige druk om die skuld in te vorder. Ons is onder ernstige druk om dienste aan informele gebiede te lewer met die bietjie wat ons uit die geformaliseerde gebied ontvang.
“Ons doen alles wat ons kan met die bietjie tot ons beskikking, om te voorsien waar ons kan.”
Matyayi versoek inwoners en die publiek om geduldig wees terwyl die munisipaliteit strategieë ontwikkel om sommige van die probleme te takel.
– [email protected]
“As Otjiwarongo se bevolking in 2011, volgens die Namibiese Statistiekagentskap se sensus, op 28 000-plus gestaan het en jy neem die groeikoers van die afgelope tien jaar in ag (tussen 3.6 en 5 persent), beteken dit die dorp kan reeds meer as 40 000 inwoners hê,” sê die munisipaliteit se uitvoerende hoof, mnr. Moses Matyayi.
Die opname getoon uit hierdie geskatte bevolking van 40 000 woon minstens 22 500 in informele nedersetting. Dit beteken 60% van die bevolking kom nie vir munisipale dienste in aanmerking nie en dit ondermyn die munisipale inkomstestrome soos belasting.
“Vir die plaaslike owerheid is dit baie moeilik om ons mandaat op ’n doeltreffende manier af te handel," het Matyayi op ’n raadsvergadering verlede week gesê.
Matyayi het bygevoeg as ’n sentrale dorp en hoofstad van Otjozondjupa maak Otjiwarongo ongeveer 30% van die bevolking van die streek uit.
Sowat N$53 miljoen in munisipale dienste word sedert November 2020 aan die munisipaliteit geskuld. Hulle het probeer om die geld in te vorder deur konsultasie met die gemeenskap, sowel as promosiestrategieë soos afslag op skuldvereffening. Volgens Matyayi het dit bygedra om vanaf Februarie die uitstaande skuld tot ongeveer N$51 miljoen te verminder.
“Dit is geld wat ons eintlik moet gebruik of deur dienslewering in die gemeenskap moet terugploeg. Jy kan jou indink wat ’n groot verskil maak die N$53 miljoen wat daar buite rondlê.”
Volgens Matyayi is ’n strategie wel ontwikkel, maar dit is na sy mening nie so aggressief soos dit behoort te wees nie.
Hy beskryf die skuld as ’n belemmering vir behoorlike dienslewering in die stad.
TE MIN BELASTINGBETALERS
“Ons het skuld wat ons moet invorder, maar 60% van individue woon in die informele nedersetting en slegs sowat 30% van die stad betaal gereeld tariewe en belasting. Ons ontvang geen inkomste uit die informele nedersettings behalwe waterverkope nie. Dit wys jou reeds die druk op ons is te veel.”
Matyayi sê hulle konstant sukkel om vir alle inwoners voorsiening te maak.
“Ons is onder ernstige druk om die skuld in te vorder. Ons is onder ernstige druk om dienste aan informele gebiede te lewer met die bietjie wat ons uit die geformaliseerde gebied ontvang.
“Ons doen alles wat ons kan met die bietjie tot ons beskikking, om te voorsien waar ons kan.”
Matyayi versoek inwoners en die publiek om geduldig wees terwyl die munisipaliteit strategieë ontwikkel om sommige van die probleme te takel.
– [email protected]
Kommentaar
Republikein
Geen kommentaar is op hierdie artikel gelaat nie