Die waarde van waardering
Waardeer jy wat jy het? Regtig? Het jy al daaroor gedink? Het jy al probeer ? ’n Lys gemaak? Hoe ver het jy gekom? Hoe lank is jou lys? Was daar dalk iets wat jy in die proses raakgesien het wat jou verbaas het? Was daar iets wat jou verras het? Indien nie, doen jy dit beslis verkeerd.
Die ding van waardeer is dit: daar is altyd meer. As mens kyk na iets om te waardeer, vind mens altyd meer om te waardeer. Dit is hoe dit werk. Die teenoorgestelde werk net so goed. Soek iets om ongelukkig oor te wees en jy sal kry. Die wêreld is vol redes om heeltyd met trane in die oë rond te loop. Ellende is volop in die lewe.
Tog is die wonder van die lewe net so volop. Die pragtige, vrolike, goeie van die lewe is oral om ons. Soms sien ons dit net nie raak nie. Dis te verstane.
Daar is baie wat mens se aandag van die goedheid van die lewe kan aflei. Elke dag gebeur ten minste een ding waaroor mens net wil huil.
Dis juis hierin wat die waarde van waardering lê. Dié wat waardeer en dit as gewoonte aankweek, sien vinnig die wonders van die lewe raak.
Selfs die vreugde van asemhaal kan so iemand verstom. Des te meer die oomblikke wat uitstaan, soos ’n babadogtertjie se glimlag, of die trots op ’n seun se gesig wanneer hy dit vir die eerste keer regkry om sy fiets alleen te ry.
Baie van hierdie spesiale oomblikke word misgeloop. Dikwels gaan die beste van die lewe by ons verby terwyl ons aan ander, sogenaamde belangriker dinge aandag gee. Dit is menslik, maar nie noodwendig die beste benadering tot die lewe nie.
Daar is ’n manier om te stop en die lekker dinge in die lewe raak te sien. Die geheim is waardering.
Waardering is ’n vaardigheid – iets om in te oefen, om te bemeester.
Die waarde van dié vaardigheid kan nie genoeg beklemtoon word nie.
Dit verander mens se hele lewenservaring en benadering tot die lewe.
Dit verryk jou perspektief.
Daar is sterkte daarin. Dit gee mens die vermoë om die lewe se baie teleurstellings te hanteer; die vermoë om die beste van ’n slegte situasie te maak.
Een van die grootste voordele van waardering is geloof, hoop en liefde. Liefde is ’n natuurlike uitvloeisel van waardering.
Geloof word versterk deur die wonder van die skepping.
Hoop bly sterk – selfs wanneer dit deur die dood in die gesig gestaar word.
Dié met waardering sal die hoogtepunte van iemand se lewe herdenk, hul nalatenskap vier en die toekoms steeds dapper aanpak.
Dit alles net deur die vermoë om te kan waardeer.
Klink goed, nè?
Ek dink so.
Die ding van waardeer is dit: daar is altyd meer. As mens kyk na iets om te waardeer, vind mens altyd meer om te waardeer. Dit is hoe dit werk. Die teenoorgestelde werk net so goed. Soek iets om ongelukkig oor te wees en jy sal kry. Die wêreld is vol redes om heeltyd met trane in die oë rond te loop. Ellende is volop in die lewe.
Tog is die wonder van die lewe net so volop. Die pragtige, vrolike, goeie van die lewe is oral om ons. Soms sien ons dit net nie raak nie. Dis te verstane.
Daar is baie wat mens se aandag van die goedheid van die lewe kan aflei. Elke dag gebeur ten minste een ding waaroor mens net wil huil.
Dis juis hierin wat die waarde van waardering lê. Dié wat waardeer en dit as gewoonte aankweek, sien vinnig die wonders van die lewe raak.
Selfs die vreugde van asemhaal kan so iemand verstom. Des te meer die oomblikke wat uitstaan, soos ’n babadogtertjie se glimlag, of die trots op ’n seun se gesig wanneer hy dit vir die eerste keer regkry om sy fiets alleen te ry.
Baie van hierdie spesiale oomblikke word misgeloop. Dikwels gaan die beste van die lewe by ons verby terwyl ons aan ander, sogenaamde belangriker dinge aandag gee. Dit is menslik, maar nie noodwendig die beste benadering tot die lewe nie.
Daar is ’n manier om te stop en die lekker dinge in die lewe raak te sien. Die geheim is waardering.
Waardering is ’n vaardigheid – iets om in te oefen, om te bemeester.
Die waarde van dié vaardigheid kan nie genoeg beklemtoon word nie.
Dit verander mens se hele lewenservaring en benadering tot die lewe.
Dit verryk jou perspektief.
Daar is sterkte daarin. Dit gee mens die vermoë om die lewe se baie teleurstellings te hanteer; die vermoë om die beste van ’n slegte situasie te maak.
Een van die grootste voordele van waardering is geloof, hoop en liefde. Liefde is ’n natuurlike uitvloeisel van waardering.
Geloof word versterk deur die wonder van die skepping.
Hoop bly sterk – selfs wanneer dit deur die dood in die gesig gestaar word.
Dié met waardering sal die hoogtepunte van iemand se lewe herdenk, hul nalatenskap vier en die toekoms steeds dapper aanpak.
Dit alles net deur die vermoë om te kan waardeer.
Klink goed, nè?
Ek dink so.
Kommentaar
Republikein
Geen kommentaar is op hierdie artikel gelaat nie