Die waarde van familie

22 January 2020 | Rubrieke
Elvira Hattingh - Soos ek ouer word, heg ek al meer waarde aan familie. Ek besef toenemend dat dit ’n kosbaarheid is, ’n voorreg en ’n warm skuilplek in ’n koue, afsydige wêreld.

Ek dink ons menslike behoefte aan familie gaan eintlik oor ons oneindige behoefte om te behoort, om aanvaar te word en ooreenkomste te hê met ander mense in hierdie wêreld – uiterlik, psigies en geskiedkundig. Familie is ’n tuiste, ’n wete dat jy ook iewers inpas en behoort by mense wat jou eie persoonlike lewensverhaal met jou deel.

Families of gesinne kom inderdaad in al sy groottes en vorme, maar speel steeds ’n reuserol in ons menswees en eindelik die vorming van ons samelewing. Dit is terselfdertyd ’n samelewing se magtigste én kwesbaarste plek.

’n Onlangse studie deur die Stanford Universiteit vir Medisyne wys dat ’n ma se stem ’n reuse-invloed op haar kinders het en verskeie sleutel- neorologiese gebiede in ’n kind se brein aktiveer. Dit sluit in gebiede wat verantwoordelik is vir emosies, sosiale funksionering en die verwerking van beloning.

Die hand wat die babawiegie wieg, mag dalk wél die wêreld regeer. ’n Ma vorm ’n kind se toekoms, sy is die een wat haar kind se lewe die sterkste beïnvloed en op wie se stem die kind se brein geen ander keuse het as om te reageer nie.

In gesinne en families word mense geskep, gevorm en gebrei vir die res van sy of haar lewe. Dit is die plek waar ’n jong kind sy of haar talente kan ontdek, die geleentheid ontvang om integriteit, waardes en sy grondslag te ontwikkel.

Dit skep, in hopelik die meeste gevalle, vir mense ’n plek van koestering. Daarsonder is jy blootgestel. Vra maar ’n weeskind wat hul grootste wens is. Die meeste volwassenes wat om die een of ander rede van hul families vervreemd is en baie eerlik is, sal vir jou vertel dat dit nie vir hulle ideaal is nie.

Solank jy familie het, het jy ’n tuiste. In die meeste gevalle beteken of behoort ’n familie ook liefde te beteken. Dit is ook ’n toevlug – die plek waar jy kan gaan rus en waar jy in moeilike omstandighede bygestaan sal word.

Nie almal se families is ideaal nie. Baie mense laat hul families om verskeie redes agter. Tog het die mens so ’n sterk behoefte aan familie, dat hulle dit “skep” wanneer hulle dit nie het nie. Al is dit dat jy jou eie gesin begin of jouself omring met vriende wat soos jy is. Jy moet behoort.

Vandaar seker ook die sêding dat vriende die familie is wat jy self uitkies.

Waardeer jou familie. Stel hulle eerste. Moet asseblief nie van ouma en oupa in die ouetehuis vergeet nie. Dit doen jou net so goed soos vir hulle om jul verhouding lewend te hou.

Soortgelyk

 

Air Namibia hervat op 28 Oktober vlugte na SA

6 ure gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

7 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

9 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

11 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

23 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

23 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

23 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

23 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

23 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...