Die Ventertjies en Heidi kom kuier!
Vir die heel eerste keer toer Die Ventertjies en Heidi deur Namibië – en hulle bars omtrent uit hul nate van opgewondenheid!
Die Ventertjies – wat bestaan uit twee sussies, Nicola, op melodiese kitaar, en LIndie-Lee, op baskitaar, is onderskeidelik 18 en 15 jaar oud. Hulle het in ’n musikale huis grootgeword en het al van kleins af geleer hoe om die eise van die musiekbedryf te hanteer. In die week konsentreer hulle op hul skoolwerk, maar naweke, en nou sommer die hele Julie-skoolvakansie, toer hulle die land plat!
Die meisiekinders se jongste album, Wikkel Vingers, is vanjaar vir twee Ghoema-toekennings benoem in die kategorieë Beste Boeremusiek- of Tradisionele album, en Publiek se Gunstelingduo of -groep – wat opsigself boekdele spreek oor die twee se musiektalent!
Heidi is ’n nuweling in die Afrikaanse musiekbedryf wat vir niemand hoef terug te staan nie. Haar sprankelende persoonlikheid is aansteeklik en haar country-stem is vol in die kol! Haar debuutalbum is pas uitgereik en het die potensiaal om groot hoogtes vanjaar te bereik. Dinamiet kom sowaar in klein pakkies.
Die twee unieke kunstenaars sal tussen 11 en 22 Julie in Namibië wees.
Bespreek sommer nou al jou tafel by die opskop die naaste aan jou en kom skoffel saam!
Die Ventertjies – wat bestaan uit twee sussies, Nicola, op melodiese kitaar, en LIndie-Lee, op baskitaar, is onderskeidelik 18 en 15 jaar oud. Hulle het in ’n musikale huis grootgeword en het al van kleins af geleer hoe om die eise van die musiekbedryf te hanteer. In die week konsentreer hulle op hul skoolwerk, maar naweke, en nou sommer die hele Julie-skoolvakansie, toer hulle die land plat!
Die meisiekinders se jongste album, Wikkel Vingers, is vanjaar vir twee Ghoema-toekennings benoem in die kategorieë Beste Boeremusiek- of Tradisionele album, en Publiek se Gunstelingduo of -groep – wat opsigself boekdele spreek oor die twee se musiektalent!
Heidi is ’n nuweling in die Afrikaanse musiekbedryf wat vir niemand hoef terug te staan nie. Haar sprankelende persoonlikheid is aansteeklik en haar country-stem is vol in die kol! Haar debuutalbum is pas uitgereik en het die potensiaal om groot hoogtes vanjaar te bereik. Dinamiet kom sowaar in klein pakkies.
Die twee unieke kunstenaars sal tussen 11 en 22 Julie in Namibië wees.
Bespreek sommer nou al jou tafel by die opskop die naaste aan jou en kom skoffel saam!
Kommentaar
Republikein
Geen kommentaar is op hierdie artikel gelaat nie