Die Vader behoed ons kerk

CT TIBOTH SKRYF:Dit was die mees onkerklike, ondenkbare en belaglikste manier waarop die ELKRN ’n biskop opgelewer het.Die elektroniese en drukmedia, sowel as die sosiale media in die vorm van SMS’e, WhatsApp-boodskappe, Facebook-plasings en stemknipsels het oral boodskappe versprei om die een kandidaat, die huidige adjunkbiskop, Paul Hatani Kisting, te besoedel en beledig, en op dieselfde wyse die huidige biskop en sy raad.Uiterste karaktermoord en swartsmeerdery was die orde van die dag soos Namibië nog nooit in ’n kerkopset gesien het nie. Dit was nie net kinders nie, maar selfs grootmense wat deel was van daardie neerhalende aanval op die leierskap en die kerk.Dit is een deel van die geskiedenis waarop ’n opregte Lutheraan nooit trots kan wees nie. Dit het skandelik gebrek gely aan Christelike etos en welvoeglikheid.Mens kan nie anders as om te glo dat hierdie twee nuwe leiers toegekyk het hoe hul ondersteuners hul medeleiers en pastore, veral adjunkbiskop Paul Hatani Kisting, op die liederlikste manier afkraak, vloek en twyfel oor hul integriteit uitspreek deur middel van valse aantygings van korrupsie, leuens en so meer. Sonder om ’n enkele aantyging en beskuldiging te bewys. Dat hulle toegekyk het hoe die kerk (wat hulle vandag lei) se naam in die sosiale en drukmedia met passie in oneer geplaas en vernietig is, selfs deur persone wat nie lede van die ELKRN is nie. Daar is nie een verklaring nie, volgens my kennis, wat hulle vrygestel het met betrekking tot hierdie immorele en skandelike gedrag.Hierdie twee nuwe leiers het dit goed geag (soos verwag) om ná so ’n lasterlike veldtog saam met hul ondersteuners uitdagend die oorwiningsdans te voer ná die sinode. Dit was die kersie op die koek, maar eenvoudig ’n onbedagsame, kinderlike optrede of ’n duidelike aanduiding van ’n gebrek aan goeie oordeel, iets wat die ELKRN nie in hierdie stadium kan bekostig nie.Wat is hul verantwoordelikheid as leiers teenoor die kerk van God met betrekking tot sy missie? Dit is veilig om te glo dat die hele neerhalende, onbeskofte en vernietigende aanval op die kerk en sy leierskap georkestreerd was.Daarom bestaan die twyfel nou of die inkomende biskop en sy adjunk bereid sal wees om enige advies van die huidige raad te neem, aangesien hulle basies produkte is van die onwelvoeglikste sisteem wat die ELKRN ooit gesien het.Tog is dit nie ’n bekommernis nie, want hulle sal nooit bestaande besluite en reëls van die kerk kan omverwerp nie. Onmin is suksesvol gesaai met die toestemming van hierdie twee nuwe leiers en hulle moet die volle verantwoordelikheid daarvoor aanvaar. Hierdie twee leiers het die geleentheid gehad om hul ondersteuners tot orde te roep, maar het verkies om dit nie te doen nie, vir redes net aan hulle bekend.Die belangrike vraag is: Sal die bestaande toestand (status quo) gehandhaaf word? Sal daar vrede wees? Hoe sal die twee leiers teen die agtergrond vrede bewerkstellig? Sal hulle dit nou eers belangrik ag dat daar vrede moet wees?Dit word nou verwag van die inkomende leiers om die kerkraad wat hulle sal lei, te ondersoek en vervolg om geregtigheid te vestig vir die vooruitgang van die kerk, of om hulle te onthef van al die aantygings en beskuldigings teen hulle. Die bitter smaak wat vir sommige gelaat is, sal nie vanselfsprekend aanvaar en aangegaan word asof niks gebeur het nie. Dit sal baie interesaant wees om te sien hoe hierdie twee leiers te werke sal gaan om ’n omgewing bevorderlik vir vrede en vooruitgang te skep.Die sinode van die ELKRN se standaard, met betrekking tot gesonde debatvoering en deurdagte beraadslaging, het klaarblyklik oor die jare gedaal en dit is betreurenswaardig dat sommige afgetrede sowel as aktiewe pastore direk hiervoor verantwoordelik is. Dit is nou ’n plek waarheen afgevaardigdes gaan om net vir of teen iemand te stem. Hulle het al jare terug opgehou om die gemeentes wat hulle gedelegeer het by die sinode te verteenwoordig.Dit skep wantroue in die sinode, wat as die hoogste gesag van die kerk te alle tye volwasse en eerlike moet optree.Mag die Here ’n weg vir die ELKRN bied.

Die Vader behoed ons kerk

Kommentaar

Republikein 2025-07-17

Meld asseblief aan om kommentaar te lewer

Die Vader behoed ons kerk

Kommentaar

Republikein 2025-07-17

Meld asseblief aan om kommentaar te lewer

MELD AAN

Advertensie