Die spel van destyds se koloniale magte

ETTEBAB SKRYF:In die boek van Lawrence Green met die titel Lords of the last frontier wat ’n reisbeskrywing is van sy reis deur die destydse Suidwes-Afrika, in 1952 gepubliseer, is daar baie feite en nostalgie oor ons land uit daardie jare.Hy skryf so interessant, dat ek nie kon ophou lees nie. Buitendien gaan dit oor ons eie land wat ons ken en die plekke waarvan ons weet.Aan die einde van die boek in sy chronologie waarin die volgorde van gebeure is, is die volgende inskrywing:"1889 Bismarck’s son (then the Secretary of State) goes to England and tries without success to exchange South West Africa for Heligoland. "In a letter to his father he said 'I think the deal would be very advantageous to us and enormously popular in Germany. Our S.W.A. Company is stagnant, bankrupt and helpless. We are in a mess with the Commissioner (Goering) who has had to flee to the English in Walvis Bay.'”Ek het nooit die “Heligoland” kon uitwerk nie en ek het lank gewonder wat hierdie “Heligoland” kon wees wat so voordelig vir Duitsland kon wees.Toe gebeur dit hierdie naweek: My vriende in Duitsland noem dat hulle saam met ander vriende Noordsee toe gaan om die vakansiehuis se water toe te draai vir die winter. Hulle noem geen dorpsnaam nie en ek gaan toe maar op die Internet en tik net “North Sea” in - en daar, na al die jare, staar Heligoland my in die gesig.’n Eiland in die Noordsee. So ’n klein stukkie eiland vir so ’n groot stuk land soos Suidwes Afrika? Hoekom het die Engelse nie daarvoor gegaan nie?Op die Internet lees ek in Wikipedia hoekom Duitsland so graag Heligoland wou gehad het en hoekom die Engelse vir die uitbreiding van sy belange in Afrika meer in Zanzibar as in Suidwes-Afrika belanggestel het. Heligoland het vir die Duitse vloot beheer oor die Kielkanaal en roetes na Duitse hawens in die Noordsee gegee.Ek wonder: hoe sou ons land se geskiedenis gelees het as Bismarck se seun suksesvol was om Suidwes Afrika vir Heligoland aan Engeland te verruil?

Die spel van destyds se koloniale magte

Kommentaar

Republikein 2025-05-09

Meld asseblief aan om kommentaar te lewer

Die spel van destyds se koloniale magte

Kommentaar

Republikein 2025-05-09

Meld asseblief aan om kommentaar te lewer

MELD AAN

Advertensie