Die sleutel tot selfvertroue

Silke von Seydlitz en Siegfried Lange het op 15 Oktober onderskeidelik twee handleidings genaamd Communicating Confidently: Hands-on Skills for Presentations and Speeches en Independent Minds, Expert Ideas bekend gestel. Dié geleentheid het by Arebbusch Lodge in Windhoek plaasgevind. Silke von Seydlitz se self-gepubliseerde Communicating Confidently is ’n insiggewende handleiding wat fokus op tegnieke om vir voorleggings en toesprake voor te berei, liggaamstaal effektief te gebruik en ’n goeie stem te ontwikkel. Dit dek onderwerpe soos die oorwinning van verhoogvrees, asook asemhalings- en ontspanningstegnieke om senuweeagtigheid te oorkom. Die boek het geïllustreerde oefeninge en kontrolelyste om die leser te help om dié inligting toe te pas. Die handleiding is op Amazon en by plaaslike boekhandelaars beskikbaar.Independent Minds – Expert Ideas is deur Castle Mount Media gepubliseer. Die boek stel altesaam agt internasionale skrywers se sakekennis oor hoe om verandering in die inligtingsera te bestuur aan die leser bekend.Die Namibiese skrywer en motiveringspreker, Siegfried Lange, skryf in sy hoofstuk “Laws of our Nature” oor hoe ondernemings die wette van die menslike natuur kan inspan om die gevolge van verandering effektief die hoof te bied. Independent Minds – Expert Ideas is by die Capacity Trust-kantoor beskikbaar. Nog ’n opwindende projek deur Namibiese kundiges op die menslike hulpbronne-gebied is tydens dieselfde geleentheid van stapel gestuur. Verskeie Namibiese menslike hulpbronne (MH)-bestuurders span kragte saam om ’n boek oor verskillende onderwerpe wat relevant is op dié gebied te skryf. Die boek sal na verwagting verskeie onderwerpe dek wat MH-praktisyns op ’n daaglikse basis teëkom, en sal na verwagting gedurende Maart 2021 bekend gestel word."Net soos die wette van die menslike natuur ’n uitdaging by die werkplek kan wees, kan dit ingespan word om deel te wees van die oplossing vir die uitdagings wat ons ervaar," sê Lange.

Die sleutel tot selfvertroue

Kommentaar

Republikein 2025-12-18

Meld asseblief aan om kommentaar te lewer

Die sleutel tot selfvertroue

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.