Die onskatbare waarde van onderwysers

JOHN FREDERICKS SKRYF:Die afgelope paar weke was dit ironies snaaks hoeveel waardering in sosiale media teenoor onderwysers uitgespreek word.Dit is alombekend deur heelwat studies, dat die fisiese betrokkenhied van onderwysers by die onderrig van kinders van onskatbare waarde is. Die onderwyser in die klaskamer is onvangbaar, ongeag watter onderigstelsel van toepassing is. Covid-19 het ons genoop om alternatiewe vorme van onderrig in skole in werking te stel, maar ongeag van watter stelsel ons implementer, die onderwyser sal sentraal moet wees en staan in die stelsel. Die onderwyser is veel meer as 'n voertuig vir die oordrag van kennis. Kinders word deur onderwysers gevorm wat elke faset van die kind se wording beïnvloed. Ek, persoonlik, onthou my sub-A-onderwyser asof dit die ander dag was wat ek my skoolloopbaan begin het. Die sagmoedigheid, aanmoedigheid en die teerheid waarmee ons behandel is deur ons sub-A-onderwyser het die fondasie gelê en gekweek vir ’n toekoms in die onderwys en ’n sin vir waarheid, geregtigheid en opregtheid. Kinders kan daagliks die gemoed van hul onderwysers bepaal deur bloot waar te neem watter klere wat hul onderwyser daai spesifieke dra. Die band tussen die kind en die onderwyser is, behalwe vanaf ’n waarnemingsperspektief, ook gebaseer op vertroue. Kinders deel meer en is meer openlik en eerlik met hul gunstelingonderwyser as wat hulle met hul biologiese ouers is, en dit is hoekom die onderwyser onvervangbaar is in die sisteem van onderrig en onderwys. Die een doring in die vlees oor die ontskatbare waarde van onderwysers is die opleiding van onderwysers, asook die keuringsproses vir die beroep en roeping. ’n Inspirerende verhaaltjie rakend onderwys, is die storie oor die suksesvolle regsgeleerde wat sy lonende beroep vaarwel toegeroep het om ’n loopbaan in die nie-lonende onderwys te volg. Die enigste verduideliking wat die regsgeleerde kon gee vir sy besluit is dat hy altyd 'n onderwyser wou wees. Die persoon het aansien, welvarendheid, finansiële vooruitgang en sekuriteit prysgegee om onderwyser te word, en dit vir my is die onskatbare waarde van ware onderwysers.

Die onskatbare waarde van onderwysers

Kommentaar

Republikein 2025-05-13

Meld asseblief aan om kommentaar te lewer

Die onskatbare waarde van onderwysers

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie