Die Moerbye is besig

Yochanaan Coetzee - Privaatskool Moria is al vir jare ‘n klein skool met ‘n groot reputasie.Tydens Noorderlig se onlangse besoek aan Outjo het ons gaan uitvind wat dit laat uitblink en hoe die pad vorentoe lyk.“Dis interessante tye,” sê mnr. Niel Prinsloo, Moria se bemarkingsbestuurder.“Skole sukkel natuurlik sonder die subsidies van die regering, maar dit het ook vir ons die geleentheid gegee om meer kreatief te raak met hoe ons fondse insamel en hoe ons onsself aantreklik vir borge en ondersteuners maak.” 2018 hou groot dinge in vir Outjo se spogskool. Met ’n nuwe skoolhoof, ’n indrukkwende saal en uitbreidings van die sport- en kultuurafdelings, is die Moerbye beslis bedrywig.Daar is uitsonderlike gees by Moria. Die energieke kinders het duidelik selfvertroue, maar is ook nederig, en toon deurgaans respek vir besoekers én mekaar.In ‘n hoekie op die speelgrond deel ’n paar vriende die inhoud van hul kosblikke en ‘n ent verder speel ‘n groep seuns en ‘n onderwyser krieket.“Ons het groot planne vir ons skool. Ons is gefokus op die bemagtiging van ons leerlinge en om hulle bloot te stel aan hul potensiaal en alles wat hulle kan bereik in die lewe,” sê Prinsloo.“Dit vat groot beleggings, maar ons sien dat die gemeenskap agter ons staan en dit glo ons is danksy die feit dat hulle sien hoe ons altyd daarop mik om die skool vorentoe te vat.”Een van die beleggings is ’n nuwe skoolsaal wat tans volgens Olimpiese gimnastiek-standaarde gebou word. Dit maak soveel indruk dit het ’n voormalige Suid-Afrikaanse gimnastiekkampioen geïnspireer om ’n nuwe hoofstuk daar te wil begin.“Ek het aanvanklik net bietjie hier op Outjo kom kuier, maar ek het so verlief op die dorp geraak dat ek ‘n bietjie langer aangehang het,” sê mej. Eliana Burger, ’n 20-jarige wat vir meer as 12 jaar aktief op die hoogste vlakke van die sport deelgeneem het en haar land talle male in die buiteland verteenwoordig het.“Ek het eendag ’n byeenkoms by die skool bygewoon. Toe ek sien wat hulle besig was om op te rig vir die leerders, het iets my net gesê dat ek hier moet betrokke raak,” sê sy en voeg by sy het reeds ’n paar kampioene onder die skool se leerders gesien.“Dis maar ’n klein begin. Daar kort nog toerusting en die gimnasium word nog klaargemaak, maar ek verstaan dat daar klaar borge gevind is en binnekort sal die skool ‘n volledige gimnastiekprogram kan aanbied. Ek hoop dat ek daarby betrokke sal kan wees,” sê sy.2018, hier kom die Moerbye.

Die Moerbye is besig

Kommentaar

Republikein 2025-12-22

Meld asseblief aan om kommentaar te lewer

Die Moerbye is besig

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.