Die hart van ’n myndorp

Michelline Nawatises Privaatskool Oranjemund (OPS) is ? entoesiastiese en dinamiese skool met 450 leerlinge wat sedert sy nederige begin uitgebrei het tot een van die mees gerespekteerde skole in Namibië. Dit is 'n gemeenskapskool wat deur Namdeb Diamond Corporation op Oranjemund bestuur word.Die skool bied onderrig aan leerlinge van kleuterskool tot graad 12. Dit is 1945 tydens die Tweede Wêreldoorlog in 1945 van stapel gestuur om te dien as ’n klein skooltjie vir jong kinders op die myndorp. Met niks meer as 'n enkele kamer nie, het die skool ongeveer tien kinders gehad wat deur een toegewyde en entoesiastiese onderwyser opgelei is.Gedurende 1950 het die getal permanente werknemers by die myn vermeerder en kon 'n enkele klaskamer en een onderwyser nie meer in die behoeftes van die kinders voorsien nie. Spoedig is 'n skoolhoof en nog twee onderwysers aangestel om die ongeveer 80 leerlinge te ondersteun. Dit het tot die bou van nuwe en groter persele gelei.Een van die grootste probleme wat die skool destyds ervaar het, was om nuwe onderwysers met die regte kwalifikasies en ondervinding te vind wat bereid was om die uitdagende woestyntoestande te verduur, ver van die gemak van die beskawing.Boonop moes die dorp se hoërskoolleerlinge in die Kaap en Windhoek skoolgaan, wat 'n moeilike reis vir die jong leerlinge was. Hulle moes streng sekuriteitstoetse ondergaan voordat hulle die dorpie verlaat, wat steeds deel was van die beperkte myngebied, en moes op lang en stowwerige bus- en treinritte na hul bestemmings en terug gaan. Vroeg in 1952 is 'n nuwe skoolgebou voltooi met 'n toring en 'n klok. Die klok en die dak is al die pad van Kolmanskop naby Lüderitz gebring. Aan die einde van die 1950’s het OPS sy vlerke gesprei en 'n “speelskool” is in Sesde Laan gebou. Nie lank daarna nie is 'n behoorlike kleuterskool in die hartjie van die dorp opgerig. 'n Kleuterskool en Laerskool Oranjemund (OPPS) beset steeds hierdie perseel.OPS het in die 1960's geweldige groei getoon en het vinnig tot 959 leerlinge in die kleuterskool tot graad sewe vermeerder. “Ons eerste graad 12-groep het hul matriek in 2013 voltooi,” het die skoolhoof, mnr. Reyno Nieuwoudt, gesê. Hy is reeds 35 jaar in die onderwys. Nieuwoudt het benadruk hoe trots hy is op die OPS se hoë akademiese standaarde. “OPS is gereeld die skool wat die beste presteer in die ||Kharas-streek. Ons is trots op die positiewe invloed wat OPS op soveel lewens het, en die bydrae wat ons tot die opvoeding van ons jeug kan lewer,” het hy gesê.Die skool se visie is om 'n verrykende opvoedkundige program vir optimale en unieke kinderontwikkeling te bied. Dit fokus op betrokkenheid op akademiese, kulturele, sport-, veiligheids- en sosiale vlak. Tamsen Bessinger, die hoofmeisie van die laerskool, wil saam met die hoofseun die gemeenskap buite OPS dien en hulle verder as leiers ontwikkel. Bessinger sê die moeilikste deel om 'n hoofmeisie te wees, is om verby jou eie foute te beweeg. “Ek probeer om daaruit te leer en te verbeter om nie dieselfde foute te herhaal nie,” het sy gesê.Prestasies -Die jaarlikse atletiek-, landloop- en swemgalas betrek verskeie leerlinge en sorg vir baie opwinding onder die leerlinge en onderwysers. -Die graad sewe-leerlinge het na Lüderitz getoer, en die graad 10- en graad 11-leerlinge na Kaapstad. Die leerlingraad beplan 'n kanovaart op die Oranjerivier vir dié semester. -OPS was in die tweede semester die gasheer van die sewende Sperrgebiet Eisteddfod wat deur skole van die Noord-Kaap, Lüderitz en Rosh Pinah bygewoon is. -Die skool het onlangs geld ingesamel om 'n spesiale fiets te koop vir een van die leerlinge wat in 'n rolstoel is. “Gratiano Moller was baie opgewonde toe mnr. Profijt en die laerskoolprefekte die fiets aan hom oorhandig het. Hy kan nou ook saam sy pa oefen,” het Nieuwoudt gesê.-OPS neem jaarliks ??deel aan Namdeb se veiligheidskompetisies. OPPS het verskeie kere al as kategoriewenners weggestap.-Die skool is vanjaar weer bekroon vir die beste junior sekondêre projek in die streek in wetenskapkompetisies.-OPS bestuur 'n aktiewe omgewingsklub. Dit is die enigste skool in Namibië wat aan die “Eco Schools Awards” in Suid-Afrika deelneem. Die skool het platinumstatus verwerf vir werk wat gedoen is in verband met die vars water in die Oranjerivier, die Bruin Hiëna-projek en ook die vestiging van staproetes op Swartkop buite Oranjemund. OPS het 'n silwertoekenning van Horn Namibia ontvang vir hul bydrae tot die redding van renosters.

Die hart van ’n myndorp

Kommentaar

Republikein 2025-05-01

Meld asseblief aan om kommentaar te lewer

Die hart van ’n myndorp

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie