Die hande van my

WILLEM DE WET SKRYF:Kyk na ’n mens se hande en jy sien sy siel.Die eelte, die littekens, die plooie en die verhale, wat elke merkie op daai hand vertel, vat jou na plekke waar die hande se eienaar was, is, en heen op pad is.Kyk na die werking van die hande en die reaksie op gebeure, die saam praat in ’n storie en die stilte van die hande as daar weemoed in die lug is. Die ongelooflike sagtheid in die hardste hande, wanneer daar deernis verlang word. Die huppel in die vingers waar daar vreugde en opgewondenheid in die lug is en die hartseer in daardie selfde hande waar daar swaarkry in die oë is.Kyk na die hand, en die hart van die draer is ontbloot.Daardie selfde hande kan ook die pad byster raak en in tale praat wat kinders nie mag sien nie, maar meestal weerspieël die hand wat in die hart is en dis meestal goed en opreg.Daardie hand wat ’n agterstewe aan die brand slaan, is dieselfde hand wat later die trane afvee en met warmte die snikkende lyfie vashou en verduidelik hoekom die pakslae nodig was. Dis dieselfde hande wat met ure se geduld die plastieklepeltjie vashou en sorg dat jy inkry wat nodig is om jou te voed, die pleisters plak na die val en die spanners draai om die skade te herstel. Die hande wat help met huiswerk en die kosblikkie pak. Knope aanwerk en opteldiertjies voer.Die hande wat geluk wens en vertroetel, wat sag kan wees maar ook ferm.Hande wat in vashou die hartseer uit jou kan trek, maar ook die vrees in jou kan wakker maak. Dis daai hande wat die lewe se verhaal vertel en elke mens op sy pad sit en in die pad hou.Vertroetel daai hande wat jou op jou pad gesit het en lees daai hande se storie soos hy is. Doen met hande wat hande moet doen en laat jou hande ook jou binneste ontbloot en jou innerlike mooi na buite vertel.Luister die liedjie ”Hierdie hanne van my” van David Kramer en kyk na jou hande terwyl jy dit doen. Dan dink jy oor jou hanne se pad.Hanne is nie net daar vir geld tel en . . . aanja nie. Hulle is wie jy is en hulle vertel jou verhaal.

Die hande van my

Kommentaar

Republikein 2025-12-17

Meld asseblief aan om kommentaar te lewer

Die hande van my

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.