Die Boer - Vul lek strategies aan vir volhoubare vleisproduksie

Ronelle Rademeyer - Om volhoubare vleisproduksie te bewerkstellig, het produsente in die wintermaande met twee realiteite te make. Dit is die afname in voedingswaarde van winterweiding en die verskillende fisiologiese behoeftes van verskillende diere. Daarom moet boere lekaanvullings strategies gebruik om die seisoenale voedingstekorte te hanteer, sê prof. Izak Groenewald, direkteur van die sentrum vir volhoubare landbou aan die Universiteit van die Vrystaat. Hy spesialiseer in die voeding en diere op natuurlike weiding.Groenewald sê omdat die proteïenwaarde van weiding in die winter daal na peile benede dit wat diere benodig vir onderhoud, kan diere nie tydens die winter gewig aansit en reserwes opbou nie. Daarom is lekaanvullings belangrik om voedingstekorte aan te vul. “’n Boer moet egter onthou dat hy primêr ’n weidingsboer is. Hy kan nooit met lekaanvullings die natuurlike weiding vervang nie. ’n Dier vreet ongeveer 3 persent van sy liggaamsmassa per dag. Dit is, afhangend van die dier se gewig, sowat 15 kg per dag. Daarbenewens beslaan lekaanvulling in die orde van 0,5 tot 1 kg per dag. Die balans moet die dier in droë materiaal van die veld kry. “Speenkalwers moet in die winter hul gewig handhaaf of ’n matige verbetering in kondisie toon. Vervangingsverse daarenteen, se kondisie moet daadwerklik verbeter sodat hulle beset kan raak.” Daarvoor benodig hierdie diere ’n produksielek om die verlangde groeitempo te bereik.Hy sê ’n koei met ’n winterkalf moet gehelp word om haar eie gewig te handhaaf en genoeg melk vir haar kalf te produseeer. Terselfdertyd moet boere voorkom dat hul dragtige, volwasse koeie in die winter te veel kondisie verloor. Verloor hulle te veel, kan vroulike diere tydelik alle geslagsaktiwiteite staak wat eers weer herstel sodra voldoende liggaamsreserves weer herwin is. Strategies moet hierdie diere ’n goeie winterlek ontvang. Dit is ’n bewese feit dat aanvullings produksie verbeter en vir meer en swaarder kalwers sorg, sê Groenewald.Hy beveel Feedpro Voere se Winterlek 40% aan vir die instandhouding van gewig en Produksielek 25% om produksie te verbeter. Boere kan ook twee dele Winterlek 60% meng met een deel sout. Dit gee dieselfde resultaat as Winterlek 40%.Die jong bulle se voeding moet sodanig wees dat hulle kan uitgroei terwyl die ouer bulle hul kondisie moet kan handhaaf. Vir groei en afronding, beveel hy Feedpro Voere se Lotmix 85 aan. Vir die meng van eie groei- en afrondingsmele, stel hy voor dat boere 850 kg mielies met 50 kg Lotmix 85 meng. Dit word gevoer teen beperkte hoeveelhede na gelang van die verlangde groeitempo. Pleks daarvan kan boere ook klaargemengde korrels (14% proteïen) gebruik. “Boere moet betyds beplan wanneer hulle ’n veiling gaan aanbied en bepaal watter gewig die bulle dan moet weeg. Sodoende kan die verlangde groeitempo maklik bereken word wat verkieslik ’n matige groei verteenwoordig, eerder as ’n voerkraal, vetmesting situasie,” sê Groenewald.

Die Boer - Vul lek strategies aan vir volhoubare vleisproduksie

Kommentaar

Republikein 2025-05-06

Meld asseblief aan om kommentaar te lewer

Die Boer - Vul lek strategies aan vir volhoubare vleisproduksie

Kommentaar

Republikein 2025-05-06

Meld asseblief aan om kommentaar te lewer

MELD AAN

Advertensie