Die 10de kykNET Fiëstas: Hier is die wenners

Die 10de kykNET Fiëstas is op Sondag 9 Feburuarie 2020 by die Kunstekaap-teater in Kaapstad gehou en regstreeks op kykNET, DStv-kanaal 144, uitgesaai.Casper de Vries was op sy stukke as seremoniemeester en is deur Dean-John Smith, June van Merch en Success Lekabe as mede-aanbieders bygestaan. Die gaskunstenaars, Amanda Strydom, Emma van Heyn, Germandt Geldenhuys, Ilse Klink en Nataniël, het tot die sukses van die aand bygedra.Die gehoor was ook met optredes deur die opera-sanger, Nombulelo Yende, Eet kreef! (Laudo Liebenberg, Frank Freeman, Mikhaela Kruger, Schalk van der Merwe en Sheldon Yoko), komediant Ian Young, die Kaapse Filharmoniese Jeugorkes, die Cape Town Opera Chorus en die New World Dance Theatre bederf.Dit was ‘n besonderse aand, met dié dat die tiende bestaansjaar van die kykNET Fiëstas vanjaar gevier word. Dié gesogte toekenningsgeleentheid is in 2010 in die lewe geroep – nie net om erkenning te gee aan grensverskuiwende en gehaltewerk wat op feesverhoë op- en uitgevoer word nie, maar ook om saam met ander rolspelers die skep van kreatiewe werk in Afrikaans te koester en te bevorder.Karen Meiring, M-Net Direkteur: kykNET-kanale: “John Kani het verlede jaar tydens die Fiëstas gesê: slegs die kunste kan ons (Suid-Afrika) verenig. In ‘n land met só komplekse verlede, en soveel uitdagings wat ons daagliks konfronteer, het kunstenaars ‘n verantwoordelikheid en plig om leiers te wees in hoe ons die toekoms verken en verstaan. kykNET se ondersteuning is gewaarborg vir werk wat ‘n kollektiewe ervaringswêreld skep, deur inhoud van gehalte wat resoneer.”Geluk aan die wenners:BESTE AKTEUR:Brendon Daniels – Queenie hulleBESTE AKTRISE:Antoinette Kellerman – Koningin LearBESTE MANLIKE BYSPELER:Edwin van der Walt – Koningin LearBESTE VROULIKE BYSPELER:Devonecia Swartz - Jakkals en Wolf OnbeperkBESTE REGIE:Brett Bailey – SamsonBESTE TEATERONTWERP:Wolf Britz – Statements After an Arrest Under the Immorality ActBESTE SPEL IN ’N SOLO-VERTONING:Sandra Prinsloo – Kamphoer - die verhaal van Susan NellBESTE NUUTGESKEPTE AFRIKAANSE TEKS:Christo Davids en Lloyd Davids – Queenie-hulleBESTE OPKOMENDE KUNSTENAAR:Cantona James – In Slawenhuis 39 & Jakkals en Wolf OnbeperkBESTE PRESTASIE IN KLASSIEKE MUSIEK:José Dias – Hulde aan Nellie du ToitBESTE PRESTASIE IN VISUELE KUNS:Jean Theron Louw (beeldhouer) – My Afrika-wildehondeBESTE MUSIEKGEDREWE PRODUKSIE – BUITELUG:kykNET-VerjaarsdagkonsertBESTE MUSIEKGEDREWE PRODUKSIE – PODIUM:Eet Kreef! (Frank Freeman & Etienne van Rooyen)BESTE MUSIEKGEDREWE PRODUKSIE – TEATER:SamsonBESTE AANBIEDING:Queenie-hulleBESTE DUO OF ENSEMBLE:Jakkals en Wolf OnbeperkBESTE VERTALING OF VERWERKING VAN N BESTAANDE WERK:Koningin LearFEES VAN DIE JAAR:InnibosBLOU FIËSTA:reWOLusieLEWENSBYDRAE TOT TEATER:Elize CawoodJanice HoneymanPieter-Dirk UysVirginia Davids

Die 10de kykNET Fiëstas: Hier is die wenners

Kommentaar

Republikein 2025-11-11

Meld asseblief aan om kommentaar te lewer

Die 10de kykNET Fiëstas: Hier is die wenners

Kommentaar

Republikein 2025-11-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.