Diana se ‘dansrok’ met Travolta opgeveil

Elvira Wood – Prinses Diana se ikoniese blou fluweelrok wat sy gedra het toe sy met John Travolta in die Withuis gedans het, gaan opgeveil word.Kerry Taylor Auctions , die afslaers in Londen, Engeland, wat dié rok gaan opveil, reken kopers sal bereid wees om tussen £250 000 en £350 000 daarvoor te betaal.Dit is sowat R4,7 miljoen tot R6,6 miljoen teen die huidige wisselkoers. Die prinses het dié rok gedra op ’n dinee wat deur Ronald en Nancy Reagan op 9 November 1985 by die Withuis aangebied is.Die rok is deur Victor Edelstein ontwerp.Diana het ’n pêrelhalssnoer met ’n ovaal saffier, wat omring is deur diamante, by die rok gedra.Die saffier was oorspronklik ’n borsspeld wat die koningin-moeder vir haar as geskenk gegee het.Die rok was een van die prinses se gunstelinge. Buiten vir die geleentheid by die Withuis, het sy die rok op nog vyf ander geleenthede gedra, sê die afslaers.Diana het selfs die rok in Junie 1997, net twee maande voor haar dood in ’n motorongeluk in Parys, Frankryk, laat opveil.Die opbrengs van dié rok en verskeie ander van haar rokke, is alles aan die Royal Marsden-hospitaal se kankerfonds geskenk.Die veiling word op 9 Desember gehou. – Netwerk24

Diana se ‘dansrok’ met Travolta opgeveil

Kommentaar

Republikein 2025-12-19

Meld asseblief aan om kommentaar te lewer

Diana se ‘dansrok’ met Travolta opgeveil

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.